قىتايدا تۇڭعىش رەت قازاقستاندىق ساۋدا ءۇيى اشىلدى - فوتو

بەيجىڭ- شاڭحاي. قازاقپارات - قىتايدا تۇڭعىش رەت قازاقستاندىق ساۋدا ءۇيى اشىلدى.

ساۋدا ءۇيى شاڭحاي ەركىن ساۋدا ايماعىندا، جاقىندا عانا اشىلعان «لينحاي» ازىق- تۇلىك ورتالىعى اۋماعىندا قۇرىلدى، دەپ حابارلايدى بەيجىڭدەگى قازاقپاراتتىڭ مەنشىكتى ءتىلشىسى.

«لينحاي» ازىق- تۇلىك ورتالىعىنىڭ اشىلۋ سالتاناتىندا ق ر شاڭحايداعى باس كونسۋلى جوشىحان قىراۋبايەۆ ءسوز سويلەدى.

 ول قازاقستاننىڭ ينۆەستيتسيالىق كليماتى تۋرالى جانە مەملەكەتتىڭ وتاندىق اۋىلشارۋاشىلىق ءونىم وندىرۋشىلەردى قولداۋ شارالارى تۋرالى باياندادى. شاڭحاي ەركىن ساۋدا ايماعى، «لينحاي» ازىق- تۇلىك ورتالىعى جانە ق ر شاڭحايداعى باس كونسۋلدىعى قازاقستاندىق تاۋارلاردى قىتاي نارىعىنا شىعارۋ ماسەلەلەرى بويىنشا ءوزارا تۇسىنىستىك تۋرالى مەموراندۋمعا قول قويدى.

 

«سان ءتۇرلى سالالاردا قىتاي مەن قازاقستان اراسىنداعى ءوزارا قارىم- قاتىناس دامىپ كەلەدى. قىتايلىق تۇتىنۋشىلار قازاقستاندىق ءونىمدى تانىپ ۇلگەردى. ءبىز ەكولوگيالىق تازا ەت، ءسۇت، بالىق ونىمدەرىن ساتىپ الۋعا دايىنبىز جانە اۋىلشارۋاشىلىق ونىمدەرى ساۋداسىنداعى كەدەرگىلەردى جويۋ بويىنشا ەكى ەل اراسىنداعى كەلىسىمدەر جۇزەگە اسقاننان- اق، جۇمىستى باستاپ كەتۋگە دايىنبىز. مەنىڭ ويىمشا، قىتايدا قازاقستاندىق ونىمدەر ۇلكەن سۇرانىسقا يە بولادى، سەبەبى تۇتىنۋشىلار ورگانيكالىق ونىمدەردى ساتىپ العىسى كەلەدى»، - دەدى «لينحاي» كورپوراتسياسىنىڭ باسشىسى چيان بيڭگاڭ (Qian Binggang).

«2016 -جىلدىڭ مامىر ايىندا جىجياڭ پروۆينتسياسىنىڭ يۋ قالاسىندا ق ر شاڭحايداعى باس كونسۋلدىعى قىتايداعى ق ر ەلشىلىگىنىڭ قولداۋىمەن، قازاقستاندىق «استاۋ» ەكسپورتتىق- يمپورتتىق كومپانياسىنىڭ قۇرىلۋىن ۇيىمداستىردى. قازىرگى ۋاقىتتا كومپانيا «سۋلتان- ە م م ك» اق (ماكارون ونىمدەرى)، «كوستانايسكي مەلكومبينات» ا ق («كورونا» ساۋدا ماركاسى)، «ەurasian Foods Corporation» اق («شەدەۆر» سۇيىق مايى، «تري جەلانيا» مايونەزى جانە ت. ب. )، «يۋنيكس» ج ش س (Tassay ساۋدا ماركاسى)، «راحات» ا ق (كونديتەرلىك ونىمدەر)، «كارجاۋ» ش ق («لاۆرا» كۇنباعىس جانە زىعىر مايلارى) سەكىلدى وندىرۋشىلەردىڭ 46 ازىق-تۇلىك ءونىمىن يمپورتتاۋعا قىتاي بيلىگىنىڭ رۇقساتىن الدى. ناتيجەسىندە، «لينحاي» كورپوراتسياسى ق ح ر اۋماعىنداعى ەڭ ءىرى قازاقستاندىق ازىق- تۇلىك ونىمدەرىن ساتاتىن جەرگە اينالدى»، - دەدى ق ر شاڭحايداعى باس كونسۋلى جوشىحان قىراۋبايەۆ قازاقپارات تىلشىسىنە بەرگەن سۇحباتتا.

 

ونىڭ ايتۋىنشا، قىتايداعى قازاقستاندىق ديپلوماتيا ميسسيالارى وتاندىق تاۋار وندىرۋشىلەردى قولداۋ ماقساتىندا ق ر كاسىپكەرلەرىمەن قىتاي نارىعىنا ءونىم شىعارۋ ءۇشىن قولايلى جاعداي جاساۋ بويىنشا تىعىز جۇمىس ىستەيدى. «شاڭحاي ەركىن ساۋدا ايماعىنداعى قازاقستاندىق ساۋدا ۇيىنە شاڭحاي قالاسىنىڭ عانا ەمەس، جىجياڭ جانە جياڭسۋ پروۆينسيالارىنىڭ كاسىپكەرلەرى دە قىزىعۋشىلىق تانىتىپ وتىر. بۇل ءۇش ايماقتاعى حالىق سانى 200 ميلليوننان اسادى، بۇل قازاقستاندىق وندىرۋشىلەرگە تاۋار وتكىزۋدە ۇلكەن مۇمكىندىكتەردى اشادى»، - دەپ اتاپ ءوتتى ديپلومات.