جاپونيادا قارتايۋدان قورعايتىن پرەپارات سىناقتان ءوتىپ جاتىر
دەپ حابارلايدى قازاقپارات Lenta.ru سايتىنا سىلتەمە جاساپ.
ءوز جۇمىسىندا زەرتتەۋشىلەر NAD كوفەرمەنتىن جانۋارلار اعزاسىندا سينتەزدەۋ ءۇشىن جاسۋشانىڭ ەنەرگەتيكالىق الماسۋىنا قاتىساتىن NMN نۋكلەوتيدىن پايدالانعان.
NAD كوفەرمەنتىن جانۋارلارعا تىكەلەي ەنگىزۋ مۇمكىن ەمەس. NAD بىرىگۋى مايلار مەن كومىرسۋلاردى سىڭىرۋدە كورىنىس تابادى. الايدا ونىڭ سينتەزى جاستىڭ ۇلعايۋىنا بايلانىستى د ن ق- نىڭ زاقىمدالۋ پروتسەسىن باياۋلاتادى. سونىمەن بىرگە، كوفەرمەنت دەنەنىڭ سالماق جيناۋىنا، ينسۋلينگە سەزىمتالدىقتىڭ جوعالۋىنا جانە فيزيكالىق بەلسەندىلىكتىڭ تومەندەۋىنە توسقاۋىل بولادى.
«ءبىز قارتايعان تىشقانداردا بايقالعان فيزيولوگيالىق باسەڭسۋدى باياۋلاتۋ ءادىسىن كورسەتتىك. بۇل كارى تىشقانداردىڭ كۇش- قۋات جانە زات الماسۋ دەڭگەيى جاس جانۋارلار دەڭگەيىنە جەتەتىنىن بىلدىرەدى»، - دەدى زەرتتەۋدىڭ بىرلەسكەن اۆتورى سين- يتيرو يماي.
سۋدا ەريتىن NMN ءۇش مينۋتتا قانعا سىڭەدى، پرەپاراتتى جاس تىشقاندار قابىلداعاندا ايتارلىقتاي ناتيجە بايقالعان جوق. ادامدار مەن تىشقان اعزاسىنداعى زات الماسۋ ۇقساس بولعاندىقتان، جاڭا زەرتتەۋدەگى تۇجىرىمدار ادامدارعا دا سايكەس كەلەدى. مۇنداي بىرىگۋلەر بروككولي، ورامجاپىراق، قيار جانە اۆوكادو سەكىلدى ءبىرقاتار ازىق- تۇلىك قۇرامىندا بار.
