انتاركتيكادا الەمدەگى ەڭ ءىرى تەڭىز قورىعى سالىنادى

استانا. قازاقپارات - 24 ەل دەلەگاتسياسى مەن ەۋرووداق وكىلدەرى انتاركتيكادا الەمدەگى ەڭ ءىرى تەڭىز قورىعىن سالۋدى ماقۇلدادى، دەپ حابارلايدى ر ي ا نوۆوستي.

انتاركتيكانىڭ ءتىرى تەڭىز رەسۋرستارىن ساقتاۋ جونىندەگى كوميسسيانىڭ (ا ن ت ك و م) جىل سايىن وتەتىن كەزدەسۋى بيىل اۋستراليالىق حوبارتتا ءوتتى.

جاڭا زەلانديا س ءى م باسشىسى ميۋررەي ماككاليدىڭ مالىمدەۋىنشە، ا ن ت ك و م شەشىمىمەن قۇرىلعان روسسا تەڭىزىندەگى قورىق زوناسى 1,55 ميلليون شارشى شاقىرىمنان اسادى. بۇل اۋماقتا 35 جىلعا بالىق اۋلاۋعا تىيىم سالىنادى.

 ءمينيستردىڭ ايتۋىنشا، قورىق قۇرۋ تۋرالى كەلىسىم 2017 -جىلدىڭ 1 - جەلتوقسانىندا كۇشىنە ەنەدى. وڭتۇستىك مۇحيتتىڭ تەك 2 پايىزىن الاتىن روسسا تەڭىزىندە ادەلي پينگۆيندەرىنىڭ الەمدىك پوپۋلياتسياسىنىڭ % 38، داۋىلپازداردىڭ (بۋريەۆەستنيك) % 30 جانە تەڭبىل باۋىرلى كيتتەردىڭ %6 تىرشىلىك ەتەدى.