ق ر ۇلتتىق وليمپيادالىق كوميتەتى قازاقستاندىق سپورتشىلارعا قارسى شارا قولدانىلعانىن راستايدى
مۇنداي اقپارات حالىقارالىق وليمپيادالىق كوميتەتىنىڭ رەسمي سايتىندا دا جاريالاندى.
«حالىقارالىق وليمپيادالىق كوميتەتىنىڭ تارتىپتىك كوميسسياسى 2008 -جىلى بەيجىڭ وليمپياداسىنا قاتىسقان سپورتشىلاردىڭ «ا» جانە «ۆ» دوپينگ سىنامالارىن قوسىمشا تەكسەرۋ قورىتىندىسى بويىنشا قازاقستاندىق ەركىن كۇرەس پالۋانى، كۇمىس جۇلدەگەر تايمۋراز تيگيەۆتى سول ويىنداردان شەتتەتتىپ، كورسەتكەن ناتيجەلەرىنىڭ كۇشىن جويىپ، ناگرادالارىن قايتارىپ الۋ تۋرالى شەشىم شىعاردى.
2012 -جىلى لوندون وليمپياداسىنا قاتىسقان سپورتشىلاردىڭ سىنامالارىن تەكسەرۋ قورىتىندىسى بويىنشا تارتىپتىك كوميسسيا قازاقستاندىق اۋىر اتلەتتەر سۆەتلانا پودوبەدوۆا، زۋلفيا چينشانلو، مايا مانەزانى سول ويىنداردان شەتتەتتى. سونىمەن قاتار، كوميسسيا سپورتشىلاردىڭ ناتيجەلەرىنىڭ كۇشىن جويىپ، ناگرادالارىن قايتارىپ الۋ تۋرالى شەشىم شىعاردى.
سپورتشىلارعا قولدانىلاتىن جازالاردىڭ مەرزىمىن ءتيىستى حالىقرالاىق فەدەراتسيالار انىقتايدى»، - دەپ جازىلعان رەسمي مالىمدەمەدە.
ەستەرىڭىزگە سالا كەتەيىك، «ءادىل سپورت» قاعيدالارى مەن تازا سپورتشىلاردى قورعاۋ جانە دوپينگتى قولدانۋعا «نولدىك توزىمدىلىك» ساياساتىن قولداۋ - قازاقستان رەسپۋبليكاسى ۇلتتىق وليمپيادالىق كوميتەتى قىزمەتىنىڭ باستى باعىتى.
