07:52, 27 - قازان 2016 | GMT +5
سۋرەتىمەن الەمگە تانىمال ايەل تۇتقىندالدى
استانا. قازاقپارات - پاكىستان پوليتسياسى 12 جاسىندا National Geographic جۋرنالىنىڭ مۇقاباسىنا سۋرەتى شىعىپ تانىمال بولعان 44 جاستاعى ءشاربات گۋلانى ۇستادى. ايەلدى ەل اۋماعىندا جالعان قۇجاتپەن زاڭسىز تۇرعان دەپ ايىپتاۋدا، دەپ حابارلايدى The Guardian باسىلىمى.
2015-جىلى گۋلانىڭ جەكە كۋالىگى جاريا ەتىلدى. الايدا ايەل بوسقىن ءارى پاكىستان ازاماتتىعىن الماعاندىقتان جەكە كۋالىكتىڭ زاڭدى ەكەندىگى كۇماندى بولىپ شىقتى. سودان بەرى ءبىر جارىم جىل ىشىندە تەرگەۋ جۇرگىزىلىپ ءشاربات گۋلا قامالدى.
ەلدىڭ رەسمي ورگان وكىلدەرىنىڭ مالىمەتى بويىنشا گۋلانىڭ كىناسى دالەلدەنسە ول 14 جىلعا باس بوستاندىعىنان ايىرىلىپ، بەس مىڭ دوللار ايىپ سالىنۋى مۇمكىن.
National Geographic جۋرنالىنىڭ مۇقاباسىنا شىققانى ءشارباتتىڭ سۋرەتىن فوتوگراف ستيۆ ماككارري 1984-جىلى تۇسىرگەن. فوتوگرافيا اۋعانستانعا كەڭەس اسكەرى باسىپ كىرگەن سوعىس كەزىن، سونىمەن بىرگە پاكىستانعا بوسقان 2,5 اۋعاندىقتىڭ تاعدىرىن بەينەلەيدى.
