ەكسپو قارساڭىندا استانادا «اشىق اۋە» جۇيەسى ەنگىزىلەدى
بۇل تۋرالى بۇگىن ق ر ينۆەستيتسيالار جانە دامۋ ۆيتسە-ءمينيسترى بەرىك قاماليەۆ ءمالىم ەتتى، دەپ حابارلايدى قازاقپارات.
«ەكسپوعا قاتىستى ايتار بولسام، ءبىز ازاماتتىق اۆيا سالاسىن، اۆيا قاتىناستاردى ىرىقتاندىرعىمىز كەلەدى. سوندىقتان جۇمىس جۇرگىزىپ جاتىرمىز. ۇكىمەتتىڭ قولداۋىمەن ەكسپو قارساڭىندا «اشىق اۋە» جۇيەسىن ەنگىزگىمىز كەلەدى. ءبىز قازىردىڭ وزىندە ءبىرقاتار جاڭا اۋە كومپانيالارىمەن كەلىسسوزدەر جۇرگىزىپ، ولاردىڭ بىزگە ۇشىپ كەلۋى تۋرالى كەلىسىمگە كەلدىك. ولاردىڭ قاتارىندا فين كومپانيالارى بار. تاياۋدا عانا پولياك اۋە كومپانيالارىمەن كەلىستىك. ۆەنگريامەن دە كەلىسىمدەر بار، اۆستريا، چەحيامەن جاڭعىرتامىز»، - دەدى ول.
ونىڭ ايتۋىنشا، قىتايدان China air كومپانياسى دا ەكسپو كەزىندە ەلورداعا قاتىنايتىن بولادى. مۇنان بولەك، 12 -جەلتوقسان كۇنى قىتايلىقتارمەن كەزدەسۋ بارىسىندا قازاقستان تاراپى ەير استانا مەن سكات كومپانيالارى ءۇشىن قىتايعا قوسىمشا ۇشۋلارعا رۇقسات سۇرايتىن بولادى.
«بۇل بۇل ماسەلەنى ۇزاق ۋاقىت تالقىلادىق. ەكسپو وتەتىن ۋاقىتتا بىزگە 4- دارەجە بويىنشا ۇشىپ كەلۋگە نيەت تانىتىپ وتىرعان اۆياكومپانيالار ءۇشىن اۋە كەڭىستىگىن اشىق ۇستايمىز دەپ ويلاستىرۋدامىز. سول كەزەڭنىڭ قورىتىندىسىنا سايكەس ءبىز وزگە باعدارلاردى دامىتۋ جانە وزگە كومپانيالارمەن قالاي جۇمىس ىستەۋ قاجەتتىگىن سارالاعىمىز كەلەدى»، - دەدى قاماليەۆ.
سونىمەن قاتار ۆيتسە- مينيستر استانانىڭ «اشىق اۋە» جۇيەسىن 2017 -جىلدىڭ 1 -مامىرىنان باستاپ قولعا الۋ جوسپارلانىپ وتىرعاندىعىن اتاپ ءوتتى.
«بىزدە ەكسپو ماۋسىمدا باستالادى جانە ونىڭ جۇمىسى اياقتالعانعا دەيىن جالعاسادى»، - دەپ ناقتىلادى ول.
