تالعات ەرمەگيايەۆ پەن سەرىك احمەتوۆ تۇرمەدە جۇمىسقا ورنالاستى
ەكسپو-2017 كومپانياسىنىڭ بۇرىنعى باسشىسى جانە ەكس-پرەمەر ءمينيستردىڭ ناقتى لاۋازىمدارى ازىرگە بەلگىسىز.
بۇل تۋرالى 31- ارنا حابارلادى.
وسىدان ءبىر جىل بۇرىن الدىمەن ون جىلعا سوتتالىپ، كەيىن جازاسى سەگىز جىلعا قىسقارعان سەرىك احمەتوۆتىڭ ناقتى قىزمەتى بەلگىسىز. دەگەنمەن ەكس-پرەمەر تۇرمەنىڭ ىشىندەگى نان-توقاش وندىرەتىن كومپانيادا شارۋاشىلىق بولىمىندە ەڭبەك ەتىپ ءجۇر دەگەن اقپارات بار. ال ءىرى كولەمدە پارا العانى ءۇشىن 14 جىلعا سوتتالعان ەكسپو-2017 ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ جازاسىن وتەپ جاتقان تۇرمەدە جيھاز شىعاراتىن سەح بار.
تۇزەۋ مەكەمەسىنىڭ باسشىلىعى سوتتالۋشىلاردىڭ جاقسى جاعىنان كورىنىپ جۇرگەنىن جانە جازالارىن وتەپ جاتقان مەكەمەدە ۇيىمداستىرىلاتىن شارالارعا بەلسەندى ات سالىساتىنىن ايتقان. قوس ازاماتتىڭ دا اي سايىن الاتىن جالاقىلارى ىستەگەن جۇمىس كولەمىنە بايلانىستى.
