ستۋدەنتتەر نارازىلىق شەرۋگە شىقتى
ەرەۋىلگە قارسى جاۋاپ رەتىندە ءتارتىپ ساقشىلارى كوز جاساۋراتاتىن گاز پايدالانىپ، بۇزاقىلىققا بارعانداردى تاياقتىڭ استىنا الدى. قاقتىعىستاردان 27 ادام زارداپ شەكتى. ولاردىڭ تورتەۋى اۋىر حالدە اۋرۋحاناعا تۇسكەن. تاعى بىرنەشە ستۋدەنت قاماۋعا الىندى.
مالىمەتتەرگە قاراعاندا، جاستاردىڭ جاپپاي ەرەۋىلگە شىعۋىنا بيلىكتىڭ پرەزيدەنت نيكولاس مادۋرونىڭ مەرزىمىنەن بۇرىن وتستاۆكاعا كەتۋىنە بايلانىستى ءوتۋى ءتيىس رەفەرەندۋمنىڭ ەكىنشى كەزەڭىن كەيىنگە شەگەرۋى سەبەپ بولعان.
پارلامەنتتە كوپشىلىك ورىنعا يە وپپوزيتسيانىڭ پىكىرىنشە، مادۋرو رەفەرەندۋمدى بولدىرماي، كونستيتۋتسيانى بۇزعان، سول ءۇشىن ول مەملەكەتتىك توڭكەرىس ۇيىمداستىرۋشى دەپ جاريالادى.
ايتا كەتەيىك، سوڭعى جىلدارى ۆەنەسۋەلا ەكونوميكالىق داعدارىسقا تاپ بولعان. الەمدىك نارىقتاعى مۇناي باعاسى ارزانداعاننان كەيىن مۇندا ينفلياتسيا ارتىپ، ازىق-تۇلىك پەن ءدارى-دارمەك تاپشىلىعى بايقالعان بولاتىن.
