مۇناي ەكسپورتتاۋشى ەلدەر ۇيىمى قازاقستاندى ۆەناداعى كەلىسسوزدەرگە شاقىردى

استانا. قازاقپارات - و پ ە ك ۇيىم مۇشەسى ەمەس 12 مەملەكەتتى 29 - قازان كۇنى ۆەنادا وتەتىن تەحنيكالىق كەزدەسۋگە قاتىسۋعا شاقىردى.

 بۇل تۋرالى ۆەنەسۋەلا مۇناي ءمينيسترى ەۋلوحيو دەل پينو مالىمدەدى، دەپ جازدى ر ي ا نوۆوستي.

«ءبىز رەسەي، ازەربايجان، قازاقستان، ومان، مىسىر، باحرەين، كولۋمبيا، مەكسيكا، ترينيداد پەن توباگو، بوليۆيا، نورۆەگيا جانە كاناداعا شاقىرۋ قاعازىن جىبەردىك»، - دەدى مينيستر جۋرناليستەرگە.

 اتالعان ەلدەردىڭ قايسىسى قاتىسۋعا كەلىسىم بەردى دەگەن سۇراققا ول ازىرگە رەسەي مەن قازاقستاننىڭ عانا قاتىساتىنىن راستاعانىن ايتتى. سونىمەن بىرگە، دەل پينو  28 - قازان كۇنى و پ ە ك ەلدەرى وكىلدەرىنىڭ كەزدەسۋى وتەتىنىن، ال 29 - قازان كۇنى وزگە مەملەكەت وكىلدەرىنىڭ قوسىلاتىنىن مالىمدەدى.