ق ر پرەزيدەنتى ساۋد ارابياسىنىڭ كورولىمەن كەزدەستى

بۇل تۋرالى اقوردانىڭ باسپا ءسوز قىزمەتىنەن حابارلادى.

كەلىس سوزدەر بارىسىندا ەكى ەلدىڭ كوشباسشىلارى قازاقستان مەن ساۋد ارابياسى ىنتىماقتاستىعىنىڭ نەگىزگى باعىتتارىن، اتاپ ايتقاندا، ساۋدا-ەكونوميكالىق، ساياسي جانە مادەني-گۋمانيتارلىق سالالارداعى بايلانىستاردى نىعايتۋ پەرسپەكتيۆالارىن تالقىلادى.

سونداي-اق تاراپتار ءوزارا ءىس-قيمىلدىڭ ءتۇرلى سالالارىندا، سونىڭ ىشىندە اۋىل شارۋاشىلىعىندا زور الەۋەتكە قول جەتكىزىلگەنىن جانە قارقىندى دامۋ بار ەكەنىن اتاپ ءوتتى.

***

مەملەكەت باسشىسىنىڭ ساۋد ارابياسىنا رەسمي ساپارى اياسىندا تومەندەگىدەي قۇجاتتارعا قول قويىلدى:

- قازاقستان رەسپۋبليكاسى مەن ساۋد ارابياسى كورولدىگى اراسىنداعى سوتتالعان ادامداردى بەرۋ تۋرالى شارت؛

- قازاقستان رەسپۋبليكاسى مەن ساۋد ارابياسى كورولدىگى اراسىنداعى ادامداردى ۇستاپ بەرۋ تۋرالى شارت؛

- قازاقستان رەسپۋبليكاسىنىڭ ۇكىمەتى مەن ساۋد ارابياسى كورولدىگىنىڭ ۇكىمەتى اراسىنداعى اتوم ەنەرگياسىن بەيبىت ماقساتتا پايدالانۋ سالاسىنداعى ىنتىماقتاستىق تۋرالى كەلىسىم؛

- قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن ساۋد ارابياسى كورولدىگىنىڭ اۋىل شارۋاشىلىعى مينيسترلىگى اراسىنداعى اۋىل شارۋاشىلىعى سالاسىنداعى ىنتىماقتاستىق بويىنشا ءوزارا تۇسىنىستىك تۋرالى مەموراندۋم.