قازاقتىڭ سوعىس ونەرى: «ۇلكار» ءادىسىن ەستىپپە ەدىڭىز؟
جوڭعار شاپقىنشىلىعىنا قارسى كۇرەس ۇزاق عاسىرعا سوزىلعان بىتپەس شايقاس ەدى. ءبىراق حاس باتىرى، دانا پاتشاسىنىڭ ارقاسىندا قازاق سوعىستىڭ ساحنا تورىنە جەڭىمپاز بولىپ كەلدى. ءبىر قىزىعى، ءبىز تەك ەرلىكتەرىن داستان ەتىپ، جىر ەتىپ جۇرگەنىمىزبەن، سول باتىرلاردىڭ سوعىستا قانداي ايلا، قانداي ءادىس پايدالانعانىن بىلە بەرمەيىز. ءسىز «ۇلكار جاىرىك» دەيتىن ءادىستى ەستىپ پە ەدىڭىز؟! ءتىپتى ءسوزدىڭ ءوزى ءتىل ورالىمىنا قيىن سوعاتىن بۇل ءادىس قازاقتىڭ جەڭىسىنە سەبەپكەر بولعان.
«ۇلكار» ءادىسى - ون جۇزدىككە ءبولىنىپ، كوپ قولعا شابۋىل جاساۋ. ماسەلەن جاۋدىڭ قولى بەس مىڭ بولسا، قازاق باتىرلارىنىڭ سانى مىڭ عانا بولسا، قولباسشى ولاردى ۇلكار ادىسىنە سالعان. بۇل دەگەنىمىز - مىڭ ساربازدى ون بولىككە ءبولىپ، ءار وندىققا ءجۇز ساربازدان قويۋ دەگەن ءسوز. بەس مىڭ قولدى شەتىنەن ەمەس، جانىنا ەمەس، تۋرا ورتاسىنان جارىپ كىرۋ ارقىلى جەڭىسكە جەتكەن. ءاربىر جۇزدىك كەزەك- كەزەگىمەن جاۋ ورتاسىنا كىرىپ، جاۋدىڭ ءالى قۇرىپ، سانى بىتكەنشە سوعىسقان. ال بۇل ءادىستى پايدالانعان قولباسشى اقىلدى دا ءاربىر جۇزدىككە ەنگەن باتىر ءباھادۇر بولعان.
تاريحى تاڭبالى قازاقتىڭ باتىرلارى جايىندا اڭىز ايتۋ ءبىر باسقا، ولاردىڭ ەرلىكتەرىن كورسەتەتىن ءادىس پەن ايلانى ءسوز ەتۋ ءبىر باسقا. سوندىقتان تامىرى تەرەڭدە جاتقان قازاقتىڭ سوعىس ونەرىنىڭ قىر- سىرىن ءبىلۋ پارىزىمىز.
massaget.kz
