رۋسلان كۇلەكبايەۆ: پوليتسەيلەر اللاھتىڭ قالاۋىمەن قايتىس بولدى

الماتى. قازاقپارات - الماتىداعى تەراكتىدە كۇلەكبايەۆ مەشەرياكوۆتىڭ ىسىنە قاتىستى قىلمىستىق ءىستى مويىنداعان جوق. قالعان ءىستىڭ بارلىعىن اللاھ جولىندا ىستەدىم دەپ جاۋاپ بەردى،

 دەپ حابارلادى قازاقپارات ءتىلشىسى.

«ولاردى ءولتىرۋىمنىڭ سەبەبى، ولار اللاھ جولىنا قارسى. قانشاما مۇسىلمان باۋىرلاردى قيناپ جاتىر، اللاھ جولىنان تايدىرىپ جاتىر. جەزوكشەلەردى كليەنتتەرگە تاسىپ جۇرگەن تاكسيسكە (جابىرلەنۋشى يبراگيموۆ - قازاقپارات) مەن رامازان ايىنا دەيىن ەسكەرتتىم. زينا جاساماڭدار دەپ ەسكەرتىپ كەتتىم. ولار ونى جالعاستىرا بەردى. مەنى ءومىر بويى باس بوستاندىعىمنان ايىرسا دا، وكىنبەيمىن. سوندىقتان مەن قازىر ەشتەڭەدەن دە قورىقپايمىن، اسەمبەك ۇلى، ليۋ، ءابدىمومىن، ساپاربەكوۆتەرگە قاتىستى مەشەرياكوۆ دەگەندى تونادى دەگەندى مەن مويىندامايمىن. ماعان قالاي كۇن كوردىڭ دەگەن، سوعان جاۋاپ بەرە سالدىم. پوليتسەيلەر اللاھتىڭ قالاۋىمەن قايتىس بولدى»، - دەدى كۇلەكبايەۆ باستى سوت وتىرىسىندا.

 «كيا ريو» كولىگىنىڭ ىشىندە جەزوكشەلەر بار ەدى، ونى الىپ كەتكەنىمدى مويىندايمىن. مەن ايات قوناق ۇيىنە تۇندە باردىم. تاكسيستى ولتىرگىم كەلدى، ول ءبىراق قاشىپ كەتتى. كولىكتىڭ ارتىندا ەكى قىز وتىردى. ولارعا اللاھتىڭ زاڭىنان قورقىڭدار دەپ ايتتىم، سوسىن ساباق بولسىن دەپ ءبىر قىزدى اتىپ تاستادىم. ويتكەنى، اللاھتىڭ زاڭى ويىنشىق ەمەس. كولىكپەن قالاعا شىقتىم. قالانى بىلمەگەندىكتەن ءبىر قىزدى الىپ الدىم، جول كورسەتىپ وتىر دەدىم. ول كەشىرىم سۇرادى، مەن اللاھتان سۇرا دەدىم. تاڭعى جۋىق كولىكتى كوپىردىڭ استىنا قالدىرىپ، المالى سوت جاعىنا بارىپ نامازىمدى وقىپ الدىم. سوسىن مەن پروكۋرورلار مەن سوتتاردى كۇتتىم. ويتكەنى ولار اللاھتىڭ زاڭىمەن ەمەس، وزدەرى شىعارىپ العان زاڭمەن سوتتايدى»، - دەدى رۋسلان كۇلەكبايەۆ.

اۆتور: الماس مۇقاش ۇلى