قازاقپارات جىبەك جولىنىڭ العاشقى ب ا ق فورۋمىنا قاتىسىپ جاتىر

 نانجيڭ. نانجيڭ. قازاقپارات - «قازاقپارات» ح ا ا باسشىسى اسەل تولەگەنوۆا مەن «كومسومولسكايا پراۆدا - كازاحستان» گازەتىنىڭ باسشىسى اسىلبەك بيسەنبايەۆ ق ح ر جياڭسۋ پروۆينتسياسى نانجيڭ قالاسىندا بۇگىن اشىلعان جىبەك جولى ب ا ق ىنتىماقتاستىعىنىڭ العاشقى فورۋمىنا قاتىسادى، دەپ حابارلادى قىتايداعى اگەنتتىكتىڭ مەنشىكتى ءتىلشىسى.

 فورۋم «ەكسپو الەمنىڭ تاريحي جانە مادەني قالالارى» اياسىندا وتەدى. ونى قىتايدىڭ شەت تىلدەردەگى ادەبيەتتەر باسپا باسقارماسى مەن «حالىق سۋرەتتى جۋرنالى»  (China Pictorial) باسپاسىنىڭ قولداۋى جانە جاردەمدەسۋىمەن نانجيڭ ۇكىمەتى ۇيىمداستىردى، دەپ حابارلادى نانجيڭ باسپا ءسوز كەڭسەسى جانە نانجيڭ راديو حابار تاراتۋ، كينەماتوگرافيا جانە تەلەۆيدەنيە كورپوراتسياسى.

 فورۋمنىڭ باستى تاقىرىبى - «پىكىر ءبىرتۇتاستىعى، بىرلەسكەن قۇرىلىس، ورتاق كۇشتەردىڭ جەمىسىن پايدالانۋ: «ءبىر بەلدەۋ، ءبىر جول» اياسىندا ب ا ق ىنتىماقتاستىعى. وعان «ءبىر بەلدەۋ، ءبىر جول» ماڭىندا ورنالاسقان 13 ەلدەن 20 مەديا قۇرىلىم وكىلدەرى قاتىسادى».

 شارا ءۇش پانەلدى پىكىرتالاس وتكىزۋدى كوزدەيدى: «جىبەك جولىنىڭ بىرلەسكەن قۇرىلىسى اياسىندا ب ا ق ىنتىماقتاستىعىنىڭ جاڭا مۇمكىندىكتەرى، سىن- تەگەۋرىندەرى»، «ب ا ق حالىقتاردىڭ ءوزارا تۇسىنىستىگىن قالاي نىعايتادى»، « ءبىر بەلدەۋ، ءبىر جول» قالالارىنىڭ ۇلگىلەرى»، حالىقارالىق ارەنادا مادەني بىلىمدەردى تاراتۋ».

فورۋم «نانجيڭ كونسەنسۋس» جەتىستىگىمەن اياقتالادى.