قازاقستاندىق ۆەلوشاباندوز حايناندا ازيانىڭ ۇزدىك ۆەلوشاباندوزى اتاندى

استانا. قازاقپارات - «استانانىڭ» ۆەلوشاباندوزى رۋسلان تىلەۋبايەۆ «حاينان تۋر 2016» جارىسىنىڭ ەكىنشى كەزەڭىندە جەڭىسكە جەتتى، مارە سىزىعىن ونىڭ سوڭىنا الا كوماندا مۇشەسى اندرەي لۋسەنكو قيىپ ءوتتى، دەپ حابارلايدى astanaproteam.kz.

وسى جەڭىسىمەن رۋسلان تىلەۋبايەۆ نەگىزگى ءتىزىمنىڭ ەكىنشى ورنىنا كوتەرىلدى، ال ودان ءبىر سەكۋند كەشىگىپ جەتكەن الەكسەي لۋسەنكو ۇزدىك ۇشتىككە تۇراقتادى.

كەزەڭ قورىتىندىسى بويىنشا رۋسلان تىلەۋبايەۆ ازيانىڭ ۇزدىك شاباندوزى رەتىندە كوك مايكا، ال الەكسەي لۋسەنكو جارىستىڭ ۇزدىك سپرينتەرى رەتىندە جاسىل مايكا الدى. «استانا» جارىستىڭ ۇزدىك كومانداسى اتاندى.

«كوماندا جاقسى ناتيجە كورسەتتى! ارتەمگە، ماقساتقا، دانيلعا، ديماعا، لەشەعا، ارمانعا العىس ايتامىز. بارلىعى شەبەرلىكتەرى كورسەتە الدى!» - دەپ مالىمدەدى جەڭىسكە جەتكەن رۋسلان تىلەۋبايەۆ.

«بۇل كوماندالىق جەڭىس، - دەدى ول، - بارلىق تاكتيكا مەن ەڭبەك وسى جەڭىسكە باعىتتالدى، ءبىز ونى ىسكە اسىردىق!».