قازاقستاندىقتار قىتايدىڭ كەدەي وڭىرلەرىنە كوپىر سالۋعا قارجى جيناۋعا جاردەمدەستى - فوتو
قاراجات ق ح ر- دىڭ گۋاڭشي- جۋاڭزۋ اۆتونوميالىق ولكەسىندەگى جاعدايى تومەن لينيۋن مەن تيانلين ۋەزىندە كوپىر سالۋعا باعىتتالادى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.
بەيجىڭدەگى كۇننىڭ سالقىن بولعانىنا قاراماستان «قۇس ۇياسى» وليمپيادالىق ستاديون جانىندا وتكەن شارا مەرەكەلىك كوڭىل كۇيگە تولى بولدى. جارمەڭكەگە قىتايدا تىركەلگەن 70 شەت ەلدىڭ جانە حالىقارالىق ۇيىمداردىڭ وكىلدىكتەرى قاتىستى.
قازاقستاننىڭ پاۆيلونىندا ساتىلۋعا ۇلتتىق زەرگەرلىك بۇيىمدار، اس تۇرلەرى، سۋسىن مەن تاتتىلەر، توقىلعان بۇيىمدار، تاسپيىقتار شىعارىلدى.
ق ر پاۆيلونىنا العاشقىلاردىڭ ءبىرى بولىپ ق ح ر سىرتقى ىستەر ءمينيسترى ۆان ي جۇبايى شيان ۆەيمەن بىرگە كەلدى، ولاردى قازاقستاننىڭ قىتايداعى ەلشىسى شاحرات نۇرىشەۆ قارسى الدى.
ەسكە سالا كەتسەك، قايىرىمدىلىق جارمەڭكەسى 2009 -جىلدان بەرى قىتايدىڭ سىرتقى ىستەر ءمينيسترىنىڭ جۇبايىنىڭ قولداۋىمەن وتكىزىلىپ كەلەدى. جەتى مارتە وتكىزىلگەن جارمەڭكەدە 20 ميلليون يۋان جينالىپ، سول ەلدىڭ وڭىرلەرىندەگى كەدەي- كەپشىكتەردىڭ تۇرمىسىن جاقسارتۋعا باعىتتالعان.
2014 - 2015 -جىلدارى وتكەن قايىرىمدىلىق شاراسىندا قازاقستاندىقتار 18 مىڭ يۋان (سول كەزدەگى قۇنى شامامەن 3 مىڭ دوللار كولەمىندە) جانە 19700 يۋان شاماسىندا قاراجات جيناعان. بۇل شاراعا قاتىسۋشىلاردىڭ جيناعان قارجىلارىنىڭ ىشىندەگى قوماقتىسى.
