رەسەيدەگى اۋە اپاتىندا قازاقستاننىڭ ەكى ازاماتى مەرت بولدى
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنىڭ جەتەكشىسى ءانۋار جايناقوۆ ءمالىم ەتتى، دەپ حابارلايدى قازاقپارات.
«قازاقستاندىقتار «سپەسستروي» كومپانياسىندا ۆاحتالىق قىزمەتتە جۇرگەن. وسى ۋاقىتتا قازاقستاننىڭ ومسكىدەگى كونسۋلدىعى تۇمەن وبلىسىنىڭ قۇرمەتتى كونسۋلدىعىمەن بىرلەسىپ، ءتيىستى جۇمىستاردى اتقارۋدا. ناقتىراق ايتقاندا، ولار قازىر مەرت بولعان ازاماتتاردىڭ دەنەلەرىن ەلدەرىنە قايتارۋ جۇمىستارىمەن اينالىسۋدا»، دەپ حابارلادى ول.
ايتا كەتەيىك، رەسەيدىڭ كراسنويار ايماعىنان يامال- نەنەتسك اۆتونومدى وكرۋگىنە قاراي ۇشىپ بارا جاتقان «سكول» اۋە كومپانياسىنىڭ م ي-8 تىكۇشاعى يامال ماڭىنداعى ۋرەنگوي اۋىلىندا اپاتقا ۇشىرادى. تىكۇشاقتا ۇشقىشتار مەن جولاۋشىلاردى قوسا العاندا بارلىعى 22 ادام بولعان. ولاردىڭ تەك 3- ۋى عانا امان قالدى. مەرت بولعانداردىڭ اراسىندا قازاقستاننىڭ اقمولا وبلىسىنا قاراستى ارشالى اۋدانىنىڭ تۋماسى ۆيتالي پروۆالنىي دا بار ەدى.
ۆيتاليدىڭ بىرگە وقىعان كلاستاستارى ۇشقىشتىڭ قازاقستانعا كەلمەك بولىپ جۇرگەنىن ايتتى.
ر ي ا نوۆوستي اگەنتتىگىنىڭ حابارلاۋىنشا، يامال- نەنەتسك ايماعىنىڭ بيلىگى مەرت بولعان ازاماتتاردى تۋىستارىنا جەتكىزۋ ماسەلەسىمەن اينالىسۋدا.
ال، اپاتتان امان قالعان 3 ادامنىڭ ازىرگە ومىرلەرىنە قاۋىپ جوق ەكەندىگى حابارلاندى.
اپاتتىڭ سالدارىنان مەرت بولعان ازاماتتاردىڭ وتباسىنا اپات ورىن العان ءوڭىردىڭ بيلىگى 1 ميلليون رۋبلدەن تولەيدى. ال، زارداپ شەككەندەرگە قاتىستى كورسەتىلەتىن كومەكتىڭ كولەمى ازىرگە ناقتىلانۋدا.
