سەمەيدە ساقشىلار ءبىر جاسار ءسابي مەن ونىڭ اناسىن قۇتقاردى
ايەل جىلىتقىشتى ىسكە قوسىپ، وزگە بولمەگە كەتكەن. كەيىن زالعا كەلگەن ول جىلىتقىش جانىنداعى ديۆان ورتەنىپ جاتقانىن كورگەن. كەلىنشەك دەرەۋ ءورت ءسوندىرۋ قىزمەتىنە حابارلاپ، بالاسىن الىپ باسقا بولمەگە شىققان. 5 مينۋتتان سوڭ وقيعا ورنىنا قۇتقارۋشىلار كەلدى.
قۇتقارۋشىلاردىڭ ايتۋىنشا، كوپقاباتتى تۇرعىن ءۇيدىڭ 9- قاباتىنداعى وقىس وقيعا جۇمىستى كۇردەلەندىرە ءتۇستى. ولار جەتكەندە جيھاز، تۇرمىستىق تەحنيكا ورتەنىپ جاتقان.
الدىمەن ءورت سوندىرۋشىلەر پاتەرگە كىرىپ، بالا مەن ونىڭ اناسىنا سىرتقا شىعۋعا كومەكتەستى. ءورت سوندىرۋشىلەر 20 مينۋتتاي قىزىل جالىنمەن كۇرەستى.
الدىن الا نۇسقا بويىنشا ءورت شىعۋىنا ەلەكتر جابدىعىن پايدالانۋ كەزىندە ءورت قاۋىپسىزدىگىن ساقتاماۋ سەبەپ بولعان.
جىل باسىنان ەلەكتر جابدىعىن پايدالانۋ كەزىندە ءورت قاۋىپسىزدىگىن ساقتاماۋ سالدارىنان ش ق و- دا ءتىلسىز جاۋدىڭ 174 جاعدايى تىركەلدى، ءبىر ادام قازا تاپتى.
