داريعا نازاربايەۆانىڭ ەسىمى پايدالانىلعان جالعان جارناماعا قاتىسى جوقتىعىن «لەنتا. رۋ» مالىمدەدى
اگەنتتىك اتالمىش جاعدايعا تۇسىنىستىكپەن قاراعان داريعا نازاربايەۆاعا العىسىن بىلدىرەدى. «لەنتا. رۋ» قازاقستان مەن رەسەيدىڭ قۇزىرلى ورگاندارىمەن بىرلەسە اتالعان جاعدايعا تەكسەرىس جۇرگىزۋگە جانە كىنالىلەردى تەرگەۋگە تارتۋعا ءازىر.
«لەنتا. رۋ» بەدەلدى ينتەرنەت- رەسۋرس، ولار تەكسەرىلمەگەن مۇنداي اقپاراتتاردى ءوز سايتتارىنا ورنالاستىرادى دەپ ويلامايمىن»، - دەپ اتاپ وتكەن بولاتىن بۇعان دەيىن داريعا نازاربايەۆا ينتەرنەتتە ءوزىنىڭ ەسىمى پايدالانىلعان جالعان جارناماعا قاتىستى «قازاقپاراتقا» بەرگەن سۇحباتىندا.
ەسكە سالايىق، اتالمىش رەسەيلىك پورتالدا نازاربايەۆانىڭ ەلەكتر ەنەرگياسىن ۇنەمدەيتىن قۇرالدى جارنامالاۋعا قاتىستى جالعان سۇحباتى ورنالاستىرىلعان بولاتىن. شىن مانىندە دەپۋتاتتىڭ بۇل قۇرالدىڭ جارناماسىنا ەش قاتىسى جوق بولىپ شىقتى.
جارنامادا «لەنتا. رۋ» - دىڭ لوگوتيپى جانە سايتتىڭ گرافيكالىق بەزەندىرىلۋى پايدالانىلعان. داريعا نازاربايەۆا ادام ەسىمىنىڭ جانە سۋرەتىنىڭ پايدالانىلۋىن رەتتەيتىن نورمالاردى قايتا قاراپ شىعۋعا ۇندەدى.
