ءابۋ دابيدىڭ تاق مۇراگەرىمەن حالىقارالىق قاۋىپسىزدىكتىڭ وزەكتى ماسەلەلەرى جونىندە پىكىر الماستى

استانا. قازاقپارات - مەملەكەت باسشىسى نۇرسۇلتان نازاربايەۆ ءابۋ دابيدىڭ تاق مۇراگەرى، بىرىككەن اراب امىرلىكتەرى قارۋلى كۇشتەرىنىڭ جوعارعى باس قولباسشىسىنىڭ ورىنباسارى مۇحاممەد بەن زايد ءال ناھايانمەن كەزدەستى.

 بۇل تۋرالى اقوردانىڭ باسپا ءسوز قىزمەتىنەن حابارلادى.

اڭگىمەلەسۋ بارىسىندا ساياسات، ساۋدا- ەكونوميكا، كولىك- ترانزيت، ينۆەستيتسيا سالالارىنداعى ەكىجاقتى ىنتىماقتاستىقتى دامىتۋ جانە ودان ءارى نىعايتۋ ماسەلەلەرى تالقىلاندى.

نۇرسۇلتان نازاربايەۆ پەن مۇحاممەد بەن زايد ءال ناھايان مەملەكەت ارالىق ءوزارا قارىم- قاتىناستىڭ قارقىندى دامۋى ءبىزدىڭ حالىقتارىمىزدىڭ بەرىك دوستىق بايلانىسىنىڭ كەپىلى ەكەنىن اتاپ ءوتتى.

بۇدان بولەك، تاراپتار وڭىرلىك جانە حالىقارالىق قاۋىپسىزدىكتىڭ مەيلىنشە وزەكتى ماسەلەلەرى جونىندە پىكىر الماستى.