ۇلى بريتانيا سولتۇستىك تەڭىزدەگى رەسەي اسكەري كەمەلەرىنىڭ قوزعالىسىن باقىلايدى
نورۆەگياعا جاقىن حالىقارالىق تەڭىزدە كەتىپ بارا جاتقان رەسەيدىڭ «ادميرال كۋزنەتسوۆ» اۆيانوسەتسى.
ۇلى بريتانيا سولتۇستىك تەڭىزدە كەتىپ بارا جاتقان رەسەيدىڭ اۆيانوسەتسى مەن وزگە بىرنەشە كەمەنى باقىلاۋعا ەكى اسكەري كەمەسىن جونەلتتى.
«ادميرال كۋزنەتسوۆ» كەمەسى وزگە جەتى اسكەري كەمە قازىر نورۆەگيامەن شەكتەس تەڭىزدە سيرياعا قاراي كەتىپ بارادى. رەسەي اسكەري كەمەلەرىن سيرياعا ناتو ماسكەۋدى اسكەري مانيەۆرلەردى ارانداتۋ ماقساتىندا جاسايدى دەپ ايىپتاپ، ەكى جاق اراسى شيەلەنىسكەن كەزەڭدە جىبەرىپ وتىر.
«اسكەري كەمەلەر سۋداعى تەرريتوريامىزعا جاقىن كەتىپ بارا جاتقاندىقتان ءبىز ولاردىڭ ءاربىر قادامىن باقىلايمىز. ءبىز ۇلىبريتانيانىڭ قاۋىپسىزدىگىن ساقتاۋ مىندەتىمىزدى بەرىك ورىندايمىز» دەدى ۇلى بريتانيانىڭ قورعانىس ءمينيسترى مايكل فاللون.
قورعانىس مينيسترلىگى ەسمينەتستەرىنىڭ ءبىرى پورتسمۋتتان شىعىپ، تاعى ءبىر فرەگاتپەن بىرگە وڭتۇستىككە قاراي باعىت الىپ بارا جاتقان رەسەي كەمەلەرىن قاقپايلاپ جۇرەتىنىن ايتادى. ال سولتۇستىكتە تاعى ءبىر ەسمينەتس پورتۋگاليا جاقتان ۇلى بريتانياعا جاققا بەت العان رەسەيدىڭ ەكى جەڭىل اسكەري كەمەسىن قاداعالايدى.
رەسەيدىڭ جالعىز «ادميرال كۋزنەتسوۆ» اۆيانوسەتسى ونداعان اسكەري ۇشاقتى تاسىمالداي الادى. ونىمەن بىرگە اتوم سۇڭگۋىر قايىعى، ەكى سۇڭگۋىر قايىققا قارسى كەمە جانە ءتورت كەمە دە ءجۇرىپ وتىرادى.
«ازاتتىق»
