قازاقستاندىق بالالاردى الداعان قىتاي دارىگەرلەرى تۋرالى ق ح ر- دىڭ الماتىداعى باس كونسۋلى پىكىر ءبىلدىردى
بۇعان دەيىن، «Sezimtal» قوعامدىق قورىنىڭ ۇيلەستىرۋشىسى، ادۆوكات سۇڭقار نۇرماعامبەتوۆ بالالارعا ەم جۇرگىزگەن قىتايداعى كلينيكامەن اراداعى داۋ سوتقا دەيىن شەشىلەتىنىن جەتكىزگەن.
«13 وتباسىنىڭ وكىلى مەن ءبىزدىڭ قور قازان ايىندا بەيجىڭ قالاسىنا ۇشىپ بارىپ، اۋرۋ بالالارعا قاتە ەم جۇرگىزگەن ەمحانادان وتەماقى الۋ جونىندە كەلىسەدى. قاجەتتى قۇجاتتار رەتتەلۋ بارىسىندا. ءبىز وتەماقى تەزىرەك جاسالادى دەپ سەنىپ وتىرمىز. سونىمەن قاتار، ق ر س ءى م تاراپىنان دا قىتايدا جۇرگەنىمىزدە حابارلاساتىن جاعداي تۋىنداپ جاتسا، قولداۋ تابامىز دەگەن ۇمىتتەمىز» ، - دەگەن بولاتىن ادۆوكات.
ونىڭ ايتۋىنشا، «Sezimtal» قوعامدىق قورى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنە قازاقستاندىقتاردى الداعان شەتەلدىك كلينيكالاردىڭ «قارا ءتىزىمىن» جاساۋ تۋرالى ۇسىنىس جولداعان.
«مەن بولعان جاعداي تۋرالى ب ا ق- تان ءبىلدىم. قىتاي ب ا ق- تارىنىڭ جازۋىنشا، مۇددەلى ادامدار قازىرگى ۋاقىتتا قىتايلىق اۋرۋحانامەن بايلانىسقا شىعىپ، كەلىسسوزدەر ارقىلى ماسەلەنى شەشۋگە ارەكەتتەنىپ جاتىر. بۇل جاعداي وسى جولمەن شەشىلەدى دەپ سەنەمىن. اتا- انالارعا كلينيكا تاڭداعاندا مامانداردىڭ بىلىكتىلىگى جاعىنا ءمان بەرۋ قاجەت ەكەنىن ايتقىم كەلەدى» ، - دەدى ق حر- دىڭ الماتىداعى باس كونسۋلى چجان ۆەي.
ەسكە سالا كەتەيىك، سەرەبرالدى سال اۋرۋىنا شالدىققان بالالارى بار قازاقستاندىق 13 وتباسى بەيجىڭدەگى ليمين كلينيكاسىنان«3 S جۇيكەنى بۇعاتتاۋ» جۇيەسى بويىنشا ەم قابىلداۋعا ءوتىنىش بىلدىرگەن. الايدا، اتا- انالارىنىڭ ايتۋىنشا، ولار سۇرانىستارى بويىنشا ەم قابىلداماعان. ولاردىڭ ءار قايسىسى 197 مىڭنان شىعىن كورگەن.
