اۋە بيلەتىن ءتيىمدى باعادا ساتىپ الۋ جولدارى

استانا. قازاقپارات - «ەير استانا» اۋەكومپانياسىندا بيلەتتەردى ەڭ ءتيىمدى باعادا ساتىپ الۋ جولدارى، سونىمەن قاتار كومپانيانىڭ تاريفتىك ساياساتى جونىندە ايتىپ بەردى.

«ەير استانانىڭ» قازاقستان جانە ب ۇ ۇ- داعى ساتىلىم بويىنشا ديرەكتورى سەرىك ىرىس ۇلىنىڭ سوزىنشە، ەڭ تومەنگى تاريف اسا تانىمال بولىپ تابىلادى. قازاقستاندىقتاردىڭ 46% ى بيلەتتەردى وسى تاريف بويىنشا ساتىپ الادى ەكەن.

سونىمەن قاتار ورتاشا تاريف بار. ونى قولداناتىن قازاقستاندىقتار سانى %31 دى قۇرايدى. ودان بولەك ارداگەرلەر مەن بالالارعا (سوڭعىسىن كومپانيا قايىرىمدىلىق ۇيىمدارىمەن بىرىگە وتىرىپ تاسىمالدايدى) ارنالعان تاريف تۇرلەرى دە قاراستىرىلعان. جىل باسىنان بەرى ارداگەرلەر كومپانيادان 2 مىڭنان استام اۋە بيلەتىن تەگىن العان.

ءبىراق ەرەكشە ساناتتاعى ازاماتتار قاتارىنا كىرمەيتىن ادامدار دا بيلەتتەردى ءتيىمدى باعادا ساتىپ الۋ مۇمكىندىگىنە يە. ول ءۇشىن مىنالاردى ەسكەرۋ قاجەت:

1. يكەمدى ۋاقىتتاردى تاڭداعان ءجون. جاقىن كۇندەردە ۇشۋدىڭ بارلىق نۇقاسىن قاراپ شىعىڭىز.

2. حالىقارالىق رەيستىڭ جونەلتىلۋىنەن 2 اي (50-60 كۇن) جانە ىشكى رەيس جونەلتىلۋىنەن 2 اپتا بۇرىن اۋەبيلەتتەرى ەڭ جاقسى باعادا ساتىلادى.

3. اۋەكومپانياسىنىڭ تارالىمدارىنا جازىلىپ، ناۋقاندار مەن ارنايى ۇسىنىستار جايلى ءبىرىنشى بولىپ ءبىلىڭىز.

4. بارۋ/قايتۋ بيلەتتەرىن اپتا ورتاسىندا ساتىپ الىڭىز. ەڭ ارزان بيلەتتەر سەيسەنبى، سارسەنبى، بەيسەنبى كۇندەرى، ال ەڭ قىمباتتارى دەمالىس كۇندەرى مەن مەيرامداردا ساتىلادى. سەنبىدەن جەكسەنبىگە اۋعان ءتۇندى تاڭدالعان بەلگىلەنگەن ورىندا وتكىزۋگە تىرىسىڭىز.

5. بارۋ اۋە بيلەتتەرى تاڭەرتەڭگى جانە كۇندىزگى بيلەتتەرگە قاراعاندا، كەشكە نەمەسە تۇندە ارزانىراق ساتىلادى. كومپانيا ەسكە سالعانداي، بۇل جاعدايدا تاكسيگە جۇمسالار (باسقا كولىك جۇرمەۋى مۇمكىن) قوسىمشا شىعىندى ەسكەرگەن ءجون.

6. ماۋسىم ارالىعىندا ۇشىڭىز. ماۋسىم ارالىعى مىندەتتى تۇردە اۋا- رايىنىڭ بۇزىلۋىن بىلدىرمەيدى. تەك بۇل ۋاقىتتا ساياحاتتايتىن ادامدار سانى از. دەمەك اۋە بيلەتتەرىنىڭ قۇنى عانا ەمەس، مەيمانحانا باعاسى دا ارزاندايدى.

 7. بىردەن بارۋ/قايتۋ بيلەتتەرىن الىڭىز. ءبىر باعىت بيلەتى قايتۋ بيلەتىنە قاراعاندا قىمباتىراق بولۋى مۇمكىن.

Stan.kz