وتباسى قۇندىلىقتارىنا ارنالعان پورتال تانىستىرىلدى
دەپ حابارلايدى قازاقپارات.
«وتباسىم» جۋرنالىنىڭ باس رەداكتورى، وعان قوسىمشا، بۇگىن اشىلعان «وتباسىم. ك ز» ونلايىن پورتالىنىڭ جەتەكشىسى، ق ر پرەزيدەنتى جانىنداعى ايەلدىر ءىسى جانە وتباسى- دەموگرافيالىق ساياسات جونىندەگى ۇلتتىق كوميسسيانىڭ مۇشەسى شولپان سىزدىقوۆانىڭ ايتۋىنشا، مۋلتيمەديالىق پورتال قازاقتىڭ سالت- ءداستۇرىن، ادەت- عۇرپىن، ۇلتتىق كيىمى مەن اس- تاماعىن دارىپتەيتىن بىرەگەي جوبا بولماق.
«وتباسىم. ك ز» دەگەن ۇلتتىق مۋلتيمەديالىق پورتال بۇگىننەن باستاپ ىسكە قوسىلادى. جالپى، «وتباسىم» جوباسىنىڭ تاريحى 2009 -جىلدىڭ 7 - ناۋرىزىنان باستالدى. سول كەزدە ءبىز «وتباسىم» اتتى جۋرنال شىعارا باستاعان ەدىك. كەيىن جۋرنال وقىرماندارى وتباسى قۇندىلىقتارىنىڭ ورتالىعىن قۇرۋ تۋرالى باستاما كوتەردى. ءسويتىپ، «وتباسىم» اتتى قۇندىلىقتار مەن تاربيە- ونەگەگە ارنالعان ورتالىق اشىلدى. ورتالىقتىڭ باستى ميسسياسى - قازاقتىڭ كونە سالت- ءداستۇرىن جانداندىرۋ، ۇمىت بولعان قازاقتىڭ ۇلتتىق تاعامدارىن زەرتتەپ، ونى ناسيحاتتاۋ، ءداستۇرلى كيىم- كەشەكتى كورسەتىپ، حالىقتىڭ كوز الدىنا شىعارۋ بولدى. ال، مىنە، بۇگىن سول ورتالىقتىڭ تاعى ءبىر «بالاسى» - «وتباسىم. ك ز» اتتى مۋلتيمەديالى پورتال دۇنيەگە كەلدى»، - دەيدى ش. سىزدىقوۆا.
جوبا جەتەكشىسىنىڭ ايتۋىنشا، مۋلتيمەديالى پورتال ءتىپتى ۇلتتىق تاعامداردىڭ قازىرگى زامانعا ساي رەتسەپتىسىن ازىرلەپ شىققان ەكەن.
«قازاقتىڭ وتكەنى مەن بۇگىنىن سالىستىراتىن بولساق، بۇرىن قالاي ەدى، كوشپەلى ءومىر سالتىن ۇستانعان اتا- بابامىز اتتان تۇسپەيتىن، ۇنەمى دەنە قوزعالىسىندا، جولدا ءجۇردى. ەتىمىز دە، باۋىرساعىمىز دا، جالپى، اس- سۋىمىز سول الىس ساپارلارعا، سول كەزدەگى حالىقتىڭ تىنىمسىز تۇرمىس- تىرشىلگىنە، كوشى- قونىنا ساي، كوپ، قۇنارلى بولىپ پىسىرىلەتىن. ال، قازىر ادامداردىڭ فيزيكالىق قوزعالىسى ازايدى، ەسەسىنە، ويلاۋ قابىلەتىن دامىتۋ ءۇشىن قۇنارلى دارۋمەندەر جەتپەي جاتادى. سوندىقتان، ءبىزدىڭ ۇلتتىق تاعامدارىمىزدىڭ قازىرگى زامانعا ساي مولشەرمەن دايىنداۋ تاسىلدەرىن زەرتتەپ، ازىرلەدىك»، - دەيدى ش. سىزدىقوۆا.
بۇنىمەن قوسا، پورتال وتباسىنداعى باقىت، وتباسىنداعى ەر مەن ايەلدىڭ ورنى، بالا تاربيەسى، قىز بالانىڭ تاربيەسى سياقتى قازىر وزەكتەنىپ كەتكەن باعىتتار بويىنشا مول اقپارات بەرۋدى كوزدەپ وتىر ەكەن.
«تاۋەلسىزدىك جىلدارىندا قازاقستان ەكونوميكا مەن ساياساتىن ەشكىمنەن كەم قىلماي، تۇزەپ الدى. ول جاعىنان قازاقستاننىڭ مىقتى پوزيتسياسى بار. ەندى قازىر مەملەكەت تە، قوعام دا، وتباسى قۇندىلىقتارىنا، وتباسى ساياساتىنا نازار اۋدارىپ وتىر. ءوزىمىز بىلەتىندەي، قازىر ەليتارلىق وتباسى، ياعني، تەڭ قۇقىلى جۇبايلار وتباسى سانگە كىردى. دەگەنمەن، ءاربىر وتباسىندا ەر مەن ايەلدىڭ ءوز ورنى بار، ياعني، سالت- سانامىزعا ساي، كەز كەلگەن ايەل كەيبىر جەرلەردە ءوز ورنىن ءبىلىپ، ەرىنەن ءبىر ساتى تومەن تۇرۋ كەرەك. مىنە، «وتباسىم. ك ز» ونلاين پورتالى وسىنداي وزەكتى تاقىرىپتاردى تارقاتىپ جازباق»، - دەپ تۇيىندەدى ءسوزىن ش. سىزدىقوۆا.
ال، ءبىر جىل بۇرىن Economist باسىلىمى الەم ەلدەرى اراسىندا اجىراسۋ سانى بويىنشا قازاقستان العاشقى ون ەلدىڭ ىشىنەن تابىلعانىن ءمالىم ەتكەن ەدى. جۋىردا عانا، ق ر باس پروكۋرورى جاقىپ اسانوۆتىڭ قاتىسۋىمەن وتكەن اليمەنت تولەۋ جونىندەگى جيىن بارىسىندا، قازاقستانداعى ءاربىر ءۇشىنشى جۇپ اجىراسىپ كەتەتىنى ايتىلعان بولاتىن. قازاقستاندا 350 مىڭ بالا اكەسىنەن اليمەنت الا الماي ءجۇر.
اۆتور: كەنجەكەي توقتامۇرات قىزى
