بانكوماتتان اقشا ۇرلاۋدىڭ جاڭا ءتاسىلى پايدا بولدى

استانا. قازاقپارات - الاياقتار ارنايى كومپيۋتەرلىك شينانىڭ كومەگىمەن جۇزەگە اسىراتىن بانكوماتتان اقشا ۇرلاۋدىڭ جاڭا ءتاسىلىن ويلاپ تاپقان.

«وسىنداي ءۇردىس شامامەن 4-5 اي بۇرىن پايدا بولدى. كەيبىر بانكومات تۇرلەرىندە بۇرعىمەن تەسىلگەن جارىق پايدا بولۋدا. سول جەرگە شينا قوسىلادى. وسى قۇرىلعىنىڭ كومەگىمەن بۇزاقىلار اقشالاردى الىپ الادى»، - دەيدى رەسەيدەگى سبەربانك وكىلى ستانيسلاۆ كۋزنەتسوۆ.

ونىڭ سوزىنشە 80 مىڭ بانكوماتى بار سبەربانك ونداي ءوندىرىس ورىندارىنىڭ قىزمەتىنەن قاۋىپسىزدىك تالاپتارى ساقتالماعان جاعدايدا باس تارتادى.

«بۇل اقپارات تۋراسىندا وندىرۋشىگە حابارلانعان، ءبىراق ەشقانداي رەاكتسيا بولمادى. ارينە، مۇنداي جاعدايدا بىزگە بىرىگىپ جۇمىس ىستەۋ كەرەك. ءبىز نە سىزدەردىڭ بانكوماتتارىڭىزدى ساتىپ المايمىز، نە بولماسا سىزدەر قانداي دا ءبىر شارا قابىلداۋلارىڭىز كەرەك. بۇل پروبلەما جاقىن ارادا شەشىمىن تابادى دەپ ويلايمىن»، - دەدى ول.

قۇقىق قورعاۋ ورگاندارى بولسا اتالمىش ءتارتىپ بۇزۋ ارەكەتتەرى بىرنەشە جەردە كورىنىس تاپقانىن ايتۋدا. مەحانيكالىق قۇرال ارقىلى ىستەلەتىن بۇل بۇزاقىلىق كەڭ ءورىس الۋدا. بۇزاقى بانكومات ساڭىلاۋىن بۇرعىلايدى جانە سول جەردەن «شينانى» - ىشكى كومپيۋتەردىڭ سىمىن شىعارىپ الادى. سوسىن ول سىمدى ءوزىنىڭ قۇرىلعىسىنا جالعايدى. سودان سوڭ ارنايى باعدارلاما ارقىلى بانكوماتتى تولىق باقىلاۋعا الىپ، اقشا الاتىن جەرىنەن بارلىق اقشانى ساۋ ەتكىزىپ تۇسىرۋگە ءماجبۇر ەتەدى.

Stan.kz