بايان ماقسات قىزى ءوزىن ولتىرمەك بولعان كۇيەۋىن كەشىردى - كەسكىن
بۇل تۋرالى تالدىقورعاندا ءوتىپ جاتقان سوت وتىرىسىنان كەيىن «قازاقپارات» تىلشىسىنە بەرگەن سۇحباتىندا باياننىڭ قورعاۋشىسى مارات اسقاربەكوۆ ءمالىم ەتتى.
"بايان كۇيەۋىن كەشىردى، وتە دۇرىس شەشىم جاسادى دەپ ويلايمىن. بۇنداي شەشىمدى كەز- كەلگەن ايەل قابىلداي المايدى. بىلەمىز، بايانعا وڭاي بولمادى، ءبىراق ول بالالاردىڭ تاعدىرىن ويلادى. باتىل شەشىم»، - دەدى ول.
ادۆوكاتتىڭ ايتۋىنشا، بايان ماقسات قىزى ءوزىنىڭ بۇرىنعى كۇيەۋىن باس بوستاندىعىنان ايىرماۋدى سۇراعان.
باقىتبەكتىڭ تۋعان باجاسى، باياننىڭ ادۆوكاتى بولعان مارات اسقاربەكوۆ جالپى باقىتبەك ەسەنتايەۆتىڭ جاقسى ازامات ەكەنىن دە اتاپ ءوتتى مارات اسقاربەكوۆ - باياننىڭ اپكەسى باتەستىڭ جۇبايى، تانىمال اكتريسا، ءانشى اشا ماتايدىڭ اكەسى.
بۇگىنگى سوت پروتسەسكە بايان ماقسات قىزىنىڭ ءوزى قاتىسقان جوق. سوت ەرتەڭ دە جالعاسادى.
ەستەرىڭىزگە سالساق، الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باقىتبەك ەسەنتايەۆقا قاتىستى سوت پروتسەسى كەشە، 18 - قازان كۇنى باستالىپ، بۇگىن جالعاسىن تاپتى. ءىستى قاراۋ جابىق رەجىمدە ءوتىپ جاتىر. ونى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتوراعاسى ءبايجۇنىسوۆ بەرىكجان ابەن ۇلى جۇرگىزۋدە.
ب. ەسەنتايەۆقا ق ر ق ك- ءنىڭ 24-بابى 3- ءبولىمى، 99-بابىنىڭ 2- ءبولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق- زومبىلىق ارەكەتتەرىمەن ۇشتاسقان ادام ولتىرۋگە وقتالۋ) 120-بابىنىڭ 1- ءبولىمى (زورلاۋ) 121-بابىنىڭ 1- ءبولىمى (سەكسۋالدىق سيپاتتاعى زورلىق- زومبىلىق ارەكەتتەرى) بويىنشا ايىپ تاعىلعان.
بەلگىلى پروديۋسەر، ەكى بالانىڭ اناسى بايان ماقسات قىزى ماۋسىمنىڭ 10 - كۇنى بىرنەشە جەردەن پىشاقتالىپ، اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. ونى ولتىرمەك بولدى دەگەن كۇدىكپەن ءوزىنىڭ كۇيەۋى باقىتبەك ەسەنتايەۆ ۇستالىپ، قاماۋعا الىندى. سونداي- اق قازىرگى تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقسات قىزى دەگەن وزگەرىس ەنگىزگەن.
