ۇلتتىق برەندتى تاڭداۋ بويىنشا كەلتەحات ارقىلى داۋىس بەرۋ باستالدى
بۇل تۋرالى ق ر اقپارات جانە كوممۋنيكاتسيا مينيسترلىگى داۋرەن ابايەۆ ءوزىنىڭ Facebook الەۋمەتتىك جەلىسىندەگى پاراقشاسىندا ايتتى.
«قىمباتتى دوستار! 15 -قازاندا ءبىز ەلىمىزدىڭ ۇلتتىق برەندىن انىقتاۋ جونىندەگى بايقاۋعا ءوتىنىش قابىلداۋدى اياقتادىق. جالپى، تامىزدىڭ 31 نەن باستاپ 966 ءوتىنىم كەلگەن بولسا، سولاردىڭ 794 ى داۋىس بەرۋ كەزەڭىنە جىبەرىلىپ وتىر. مەنىڭ ويىمشا، بۇل ازاماتتارىمىزدىڭ ەلدىك ماسەلەگە بەي- جاي قارامايتىنىن كورسەتتى.
بايقاۋعا كاسىبي ماماندارمەن بىرگە ەلىمىزدىڭ تۇكپىر- تۇكپىرىنەن جانە كورشىلەس مەملەكەتتەردەن اۋەسقوي بەزەندىرۋشىلەر قاتىستى.
ال بۇگىن بايقاۋدىڭ كەلەسى كەزەڭىنە وتەتىن جۇمىستاردى انىقتاۋ ءۇشىن SMS داۋىس بەرۋ باستالادى.
SMS جولداۋ تەگىن. ول ارقىلى ءوزىڭىز قالاعان ءبىر عانا جۇمىسقا داۋىس بەرە الاسىز.
اتاپ ءوتۋ كەرەك، بايقاۋدىڭ جۇمىس توبى داۋىس بەرۋدىڭ كوپتەگەن نۇسقاسىن قاراستىردى. ويتكەنى، 800 گە جۋىق ءوتىنىمنىڭ بارلىعىن جۇرت نازارىنا تەڭ دارەجەدە ۇسىنۋ وڭايعا تۇسكەن جوق.
سوندىقتان دا، ءبىز بارلىق 794 جۇمىستى ولاردىڭ رەتتىلىگى ءاربىر قولدانۋشى ءۇشىن ءارتۇرلى بولاتىن تارتىپپەن ورنالاستىرعاندى ءجون كوردىك»، - دەپ اتاپ ءوتتى مينيستر.
قازاقستاندىقتار داۋىس بەرۋدى مىنا سىلتەمە ارقىلى جۇزەگە اسىرا الادى.
ەسكە سالايىق، بايقاۋ جەڭىمپازى 5 ميلليون تەڭگە اقشالاي سىياقى الادى. ال بايقاۋدىڭ ەكىنشى كەزەڭىنە وتكەن جۇمىستاردىڭ اۆتورى 200 مىڭ تەڭگەگە يە بولادى. سونداي-اق بايقاۋ قاتىسۋشىسىنىڭ سەرتيفيكاتى بەرىلەدى.
