07:25, 19 - قازان 2016 | GMT +5
يراك اسكەرى ەجەلگى نيمرۋد قالاسىن ازات ەتتى
استانا. قازاقپارات - يراك اسكەرى لاڭكەستەردەن موسۋلدىڭ وڭتۇستىك شىعىسىندا ورنالاسقان ەجەلگى نيمرۋد قالاسىن ازات ەتتى، دەپ حابارلايدى 24.kz.
تاريحي شاھاردى بوساتۋ وپەراتسياسى كەشە تۇندە باستالدى. اسكەريلەر قالا ماڭىنداعى 9 اۋىلدى ءوز باقىلاۋىنا الدى. قازىر ۇكىمەت جاساقتارى موسۋلعا شابۋىلدارىن جالعاستىرىپ، ونى ارتيللەريادان اتقىلاپ جاتىر.
جاياۋ اسكەرگە قۇراما شتاتتاردىڭ اۋە كۇشتەرى قولداۋ كورسەتەدى. جالپى «يراك پەن ليەۆانت لاڭكەستىك ۇيىمىنىڭ» قورعانىنا اينالعان موسۋلدى ازات ەتۋگە ونداعان مىڭ جاۋىنگەر تارتىلعان. ال شاھاردا 4 مىڭنان 8 مىڭعا دەيىن سودىر بەكىنگەن. سونىمەن قاتار 700 مىڭ بەيبىت تۇرعىن بار.
