اكەنىڭ كوزسىز ەرلىگى تاڭقالدىردى
47 گە كەلگەن يبراحيم ابدۋلحاكيم كۇيىپ قالعان قىزىن ەمدەتۋ ءۇشىن بارماعان جەرى قالماعان. ونىڭ قىزى ۇيدەگى گاز باللونى جىرىلىپ، سونىڭ سالدارىنان قاتتى كۇيىپ قالعان بولاتىن. دەنەسىنىڭ 40 پايىزىن كۇيىك شالعان. ەگيپەتتىڭ دەنساۋلىق ساقتاۋ مەكەمەلەرىنەن كۇدەرىن ۇزگەن قىزدىڭ اكەسى، ا ق ش ەلشىلىگىنەن كومەك سۇرايدى.
ءسويتىپ، قىزىندا كەرەكتى قۇجاتتار بولعانىمەن وزىندە شەتەلگە شىعاتىن قۇجاتى جوق اكە، قىزىن اللاعا تاپسىرىپ، جالعىز ءوزىن ۇشاققا وتىرعىزىپ جىبەرەدى. وندا جارالى قىزىن قاراۋسىز قالدىرمايتىن شىعار دەگەن ۇمىتپەن.
سودان قىزىن نيۋ- يورككە باراتىن رەيسكە وتىرعىزىپ، اۋرۋدى باساتىن پرەپاراتتار بەرىپ، جىبەرەدى. جولدا قىزى قاتتى قينالادى. سوعان قاراماستان، اكەنىڭ ءۇمىتى اقتالىپ، قىزىن سونداعى تۋىستارى كۇتىپ الادى. كۇيىك شالعانداردى ەمدەۋ ورتالىعىنا بىردەن اپارادى. قازىر قىزدىڭ بەتى بەرى قارادى، - دەپ حابارلايدى islamnews سايتى New York Daily News-كە سىلتەمە جاساي وتىرىپ.
