شىمكەنتتە ەرەكشە باعدارشامدار ىسكە قوسىلدى

استانا. قازاقپارات - شىمكەنتتە دىبىستى باعدارشامدار ىسكە قوسىلدى، دەپ حابارلايدى شىمكەنت قالاسى اكىمدىگىنىڭ باسپا ءسوز قىزمەتى.

بۇل كوزدەرى ناشار كورەتىن زاعيپ جانداردى قولداۋ ماقساتىندا قولعا الىنعان جوبا. قالا باسشىلىعى بيۋدجەتتەن بولىنگەن 6 ميلليون تەڭگەدەن استام قارجىعا كادىمگى باعدارشامدار ورناتىلعان 20 جولدىڭ قيىلىسىنا دىبىستى باعىتتاعىشتاردى ىسكە قوسىپ وتىر. بۇل باعدارشامنىڭ ەرەكشەلىگى سول، قاي كوشەنىڭ قيلىسىندا تۇرعانىڭىزدى جانە جۇرۋگە قانشا ۋاقىت قالعانىن ايتىپ بەرەدى.

سالا ماماندارىنىڭ مالىمدەۋىنشە، و ق و بويىنشا مۇمكىندىگى شەكتەۋلى 109 مىڭنان استام ازامات بار. ونىڭ جارتىسىنا جۋىعى زاعيپ جاندار. بۇل باعدارشامدار سول جاياۋ جۇرگىنشىلەردىڭ قاۋىپسىزدىگىن قاراستىرۋعا باعىتتالعان بىردەن ءبىر قوندىرعى. وسىنداي باعدارشامداردى الداعى ۋاقىتتا قالانىڭ وزگە دە كوشەلەرىنە ورناتۋ جوسپارلانعان. شىمكەنت قالاسى بويىنشا بۇگىندە 167 باعدارشام، 7 مىڭنان استام جول بەلگىسى بار. ەندى دىبىستى باعدارشامنىڭ جۇمىس جاساۋ جۇيەلەنبەك. ال دىبىستى باعدارشامدار ورناتىلعان جولداردىڭ قيلىسىندا كەلەڭسىز جاعدايلار ازاياتىن بولادى. وعان سالا ماماندارىنىڭ دا، تۇرعىنداردىڭ دا سەنىمى مول.

زاعيپ جاندارعا، جالپى مۇمكىندىگى شەكتەۋلى قوعام مۇشەلەرىنە جان- جاقتى قولداۋ كورسەتۋ باستى مىندەتتەردىڭ ءبىرى بولىپ تابىلادى. ولاردى وزدەرىن قوعامنىڭ مۇشەلەرى ەكەندىگىن سەزىندىرۋ وسىنداي ناقتى ىسپەن كورسەتىلسە كەرەك.