سۇمدىق! قىرعىزستاندا وزگە دىندە بولعانى ءۇشىن ايەلدى قايتا جەرلەدى

استانا. قازاقپارات - قىرعىزستاننىڭ جالال- اباد وبلىسىنىڭ تۇرعىندارى مەن جەرگىلىكتى يمامدار قانىگۇل ساتىبالديەۆانىڭ تۋىستارىنا ونى جەرگىلىكتى زيراتقا جەرلەۋگە رۇقسات ەتپەدى.

سەبەبى مارقۇم حريستيان- باپتيست ءدىنىن ۇستانعان.

76 جاستاعى قانىگۇل ساتىبالديەۆا 13 -قازاندا قايتىس بولدى. تۇرعىندار ونى جەرگىلىكتى زيراتقا جەرلەۋگە رۇقسات ەتپەگەندىكتەن، قىزى اكىمدىكتەن جانە جەرگىلىكتى ءماسليحات دەپۋتاتتارىنان كومەك سۇراعان. مارقۇم ايەلدى مۇسىلمان قابىرىنە جەرلەۋگە ءبىرىنشى بولىپ اۋداندىق يمام قارسى شىققان. ول حالىقتى جيناپ، جۇلدىز ازايەۆادان مۇسىلماندىققا بەت بۇرۋدى تالاپ ەتكەن. جينالعان حالىق ايەلگە قارسى تاس لاقتىرۋعا شاقىرعان.

- ولار مەنىڭ حريستيان دىنىنەن باس تارتىپ، يسلامدى قابىلداۋىمدى تالاپ ەتتى. ماعان انام ءۇشىن كەلىسۋگە تۋرا كەلدى. ولار بۇل وزگەلەرگە ساباق بولسىن دەدى. مەن يسلامدى قابىلداپ تۇرىپ، انامدى جەرلەۋگە رۇقسات بەرەسىڭدەر مە دەپ سۇرادىم. ءمايىت ەكى كۇن بويى جاتتى، ءيسى شىعا باستادى. ءبىراق جينالعاندار قارسى بولدى. ولار ماعان اۋلاڭا جەرلە دەدى. جاۋلارىما مۇنداي جاعدايدى تىلەمەيمىن»، - دەيدى جۇلدىز.

اۋدان اكىمى شۋمكار قاجى چىناليەۆ جۇلدىز ازايەۆانى كەلەمەجدەگەنىن جوققا شىعارىپ، بۇل تەك ءتۇسىندىرۋ جۇمىسى بولدى دەيدى.

قانىگۇل ساتىبالديەۆانىڭ دەنەسىن كورشى اۋىلداعى باسقا زيراتقا جەرلەگەن. ءبىراق ورىقتى اۋىلىنىڭ تۇرعىندارى دا شۋ كوتەرگەن. سوڭىندا ءمايىتتى قايتا قازىپ الىپ، حريستيانداردىڭ زيراتىنا جەرلەۋگە تۋرا كەلگەن.


365info.kz