الەمدەگى ەڭ قاۋىپتى ادام

استانا. قازاقپارات - الەمدەگى ەڭ قاۋىپتى ادام كىم دەپ ويلايسىز، قانىشەر مە الدە اقىلدى ادام با؟ ! ارينە، ءسىز قولىنا سۋىق قارۋ ۇستاعان نەمەسە جامان نيەتتى ادام الەمدەگى ەڭ قاۋىپتى ادام دەپ ويلاۋىڭىز مۇمكىن.

 ءبىراق ولاي ويلاساڭىز قاتەلەستىڭىز. الەمدەگى ەڭ قاۋىپتى ادام - از سويلەپ، كوپ ويلاپ، كوپ تىڭدايتىن جان. كۇلكىلى بولۋى دا مۇمكىن، ءبىراق سىزگە بۇل ادام نەگە وسىنشا قاۋىپتى ەكەنىن ايتايىق.

از سويلەيتىن ادام ىشكى جان دۇنيەسىن، قىر- سىرىن سىزگە، ورتاعا جايىپ سالمايتىن بولسا، ءبارىن ىشتە ساقتاپ جۇرسە، ول وندا جۇمباق. ال جۇمباق ادامنىڭ قاي جەردەن قانداي «سىي» دايىنداپ قويارىن ءسىز اڭعارمايسىز. كوپ سويلەيتىن ادام وزىنەن حابار بەرىپ قويادى. بۇل ونىڭ كەمشىلىگى دە.

 كوپ ويلاناتىن ءارى از سولەيتىن ادام بۇكىل ويعا ساراپتاما جاساپ وتىرادى. ولار ىشتەي عانا بارىنە باقىلاۋ جاساپ، ويىمەن باسقارعىسى كەلمەيدى. وزدەرىنىڭ كوشباسشى نەمەسە قاۋىپتى ەكەنىن سوزبەن ەمەس، ىسىمەن جەتكىزىپ وتىرادى. اقىلمەن سانالى جۇمىس ىستەي ءبىلۋ -  ەڭ ۇلكەن قاسيەت. سىزدەن ەكى- ءۇش قادام الدا ويلايتىن ادام ءوزى جۇمباق بولسا، از سويلەسە، كوپ ويلانسا بۇل سىزدىڭشە قانداي جان؟ اقىلدى ءارى قاۋىپتى ادام.

 كوپ تىڭداۋعا بەيىم كەلەتىن، از سويلەپ، كوپ ويلانا الاتىن ادامنىڭ ىشىندە اقپارتتىڭ كوزى اعىلىپ جاتادى. سەبەبى ونداي ادامدار ءسىز جانە ورتاسى جايىندا بارلىق اقپاراتقا قانىق بولادى. ءارى ءاربىر تىڭداعان اقپاراتىنا ويلانا جاۋاپ بەرەدى. بۇل ادامداردىڭ ەرەكشەلىگى ءارى قاۋىپتىلىگى، ءسىزدى باسقارۋعا، ءسىزدىڭ ومىرىڭىزگە وزگەرىس اكەلۋگە قاۋقارلى. ولاردان قورقۋ كەرەك. ءارى ولاردىڭ الدىندا سويلەگەن كەزدە، قانداي دا ءبىر اقپارات ايتاردا اباي بولعان ءجون.

massaget.kz