08:13, 18 - قازان 2016 | GMT +5
سيريانىڭ دابيك قالاسى سودىرلاردان ازات ەتىلدى
استانا. قازاقپارات - سيريا وپپوزيتسياسىنىڭ قارۋلى جاساعى تۇركيا اسكەرىنىڭ قولداۋىمەن دابيك قالاسىن سودىرلاردان ازات ەتتى، دەپ جازادى «حابار 24».
شاھاردى ەكى جىل بويى ۋىسىندا ۇستاعان «يراك پەن لەۆانت لاڭكەستىك توبى» مۇندا كوپتەگەن مينالار قويىپ تاستاعان. قازىر جاۋىنگەرلەر ولاردى زالالسىزداندىرۋمەن اينالىسىپ جاتىر.
ايتا كەتكەن ءجون، تامىزدا تۇركيا اسكەرى سيريا وپپوزيتسياسىنىڭ قاتىسۋىمەن «يراك پەن لەۆانت لاڭكەستىك توبىنا» قارسى ارنايى وپەراتسيا باستادى. سول كەزدە ساربازدار ەكى ەلدىڭ شەكاراسىنداعى دجەرابلۋس قالاسىن ازات ەتتى.
