جاپونيادا فوتوسينتەز قۇبىلىسى جۇرمەيتىن وسىمدىك تابىلدى

استانا. قازاقپارات - جاپون ەلىنىڭ زەرتتەۋشىلەرى فوتوسينتەز قۇبىلىسى جۇرمەيتىن ەرەكشە وسىمدىك ءتۇرىن تاپتى.

 ولار كۋروسيما ارالىندا تابىلعان وسىمدىككە «Gastrodia kuroshimensis» دەگەن اتاۋ بەرىپ وتىر.

وتە سيرەك كەزدەسەتىن وسىمدىك ءتۇرىن زەرتتەگەن كەنجي سۋەتسۋگۋ ونىڭ جۇزگە جۋىعىن تاپقان. جاڭا وسىمدىك ءتۇرى وزىنە قاجەتتى زاتتاردىڭ بارلىعىن ساڭىراۋقۇلاق ارقىلى الادى ەكەن. وسىعان دەيىن ساڭىراۋقۇلاقتاردىڭ بۇل ەرەكشەلىگىنە ميكولوگ ماماندار باس قاتىرىپ كەلگەن ەدى. ەندى ولاردىڭ زەرتتەپ جۇرگەنى جاڭا پارازيت وسىمدىك ءتۇرى ەكەنى دالەلدەنىپ وتىر.

«Gastrodia kuroshimensis» - ميكوگەتەروتروفتار ساناتىنا جاتادى. تابيعاتتا مۇنداي وسىمدىكتەر وتە سيرەك كەزدەسەدى. كوبىنە ساڭىراۋقۇلاقتان تىرشىلىگىنە قاجەتتى زاتتارىن الىپ، سەلبەسىپ وسەدى. ولار ەشقاشان گۇلدەمەيدى.

 ايتا كەتەيىك، جەر بەتىندە جاسىل وسىمدىكتەردىڭ پايدا بولۋى - فوتوسينتەز قۇبىلىسى باستالعاننان باستاۋ الادى. فوتوسينتەز - وسىمدىكتەردەگى وتە كۇردەلى قۇبىلىس. ول قاراڭعىدا دا، جارىقتا دا ۇزدىكسىز ءوتىپ جاتادى جانە سىرتقى ورتا فاكتورلارىمەن تىعىز بايلانىستى بولادى. فوتوسينتەزدىڭ قارقىندى ءوتۋى وسىمدىكتەردىڭ بيولوگيالىق ەرەكشەلىكتەرىنە دە، ىشكى جاعدايلارعا دا تاۋەلدى.

 فوتوسينتەزگە اسەر ەتەتىن سىرتقى جاعدايلاردىڭ ىشىندە ەڭ ماڭىزدىسى جارىق بولىپ ەسەپتەلەدى. جارىق وتە ناشار، بولار-  بولماس جاعدايدا دا وسىمدىكتە فوتوسينتەز جۇزەگە اسا بەرەدى.

massaget.kz