مەرۋەرت تۇسىپبايەۆانىڭ قىتايدا جىگىتى بار ەكەنى راسپا؟
كوپشىلىك ءانشىنىڭ قىتايدا جاس جىگىتى بار دەپ ويلاپ ءجۇر. ءانشى ەل اراسىندا ءجۇرىپ جاتقان اڭگىمەلەرگە توقتاۋ سالدى.
«ارينە، «قىمىزدى كىم ىشپەيدى، قىزعا كىم قارامايدى» دەيدى. ماعان تانىمال ءوزىمنىڭ دوستارىم دا ايتتى: «جاقسى كورەتىن ادامىڭ قىتايدا تۇرادى ەكەن» دەپ. شىنىن ايتقاندا، قىتاي حالىق رەسپۋبليكاسىندا 1998 -جىلى مەنىڭ بەينەكليپىم قاتتى تارادى. سول كەزدە ماعان عاشىق ادامدار كوپ بولدى. ءسوز ايتقاندار دا، ءتىپتى، تۇرمىسقا شىعۋعا ۇسىنىس جاساعاندار دا بولدى. ءبىراق ەگەر ادام ۇناماسا، «ماعان حابارلاسپا، سەنەن ەشتەڭە شىقپايدى» دەپ تۋراسىن ايتامىن» ، - دەدى ءانشى استانا ارناسىنىڭ «ەل اۋزىندا» باعدارلاماسىنا بەرگەن سۇحباتىندا.
تۇراقتىلىقتى تۋ ەتكەن تۇسىپبايەۆا ومىرىندە ءبىر- اق رەت عاشىق بولعانىن مالىمدەدى. ايتۋىنشا، باسىنان وتكەرگەن ماحاببات سەزىمى ونىڭ جۇرەگىندە ۇلكەن مۇڭ قالدىرعان.
«مەن ويلايمىن ناعىز ماحاببات ومىردە ءبىر- اق رەت بەرىلەدى ادامعا. مەن ومىردە قۇلاي ءسۇيۋدىڭ نە ەكەنىن سەزىندىم. سودان كەيىن ول مەنىڭ سەزىمىم وتە ءساتسىز ول ماعان وتە كوپ اۋىرتپاشىلىق، جۇرەگىمە مۇڭ الىپ كەلدى. ونىڭ ءوزىنىڭ سەبەپتەرى بار» ، - دەپ جالعادى ءسوزىن ءانشى.
تۇسىپبايەۆا ەل اراسىندا تارالىپ كەتكەن اڭگىمەلەرگە جاۋاپ بەردى.
«نەگە ادامدار سولاي ايتادى؟ مەن تۇسىنبەيمىن. قىتايدا تۇراتىن جىگىتىم جوق، ناق ايتايىن» ، - دەپ ءتۇسىندىردى ول.
