پايدالى كەڭەستەر: جانار- جاعار ماي ستانساسىندا الدانباۋ ءۇشىن نە ىستەۋ كەرەك
«جانار- جاعارماي قۇيۋ ستانسا قىزمەتكەرلەرىنىڭ الاياقتىققا بارعانى ايدان انىق. بۇعان كومپانيانىڭ قاتىسى بار دەپ ويلامايمىن. ايلانى جانار- جاعارماي قۇيۋشىسى مەن كاسسير جۇزەگە اسىرعان (...) مۇنداي قۋلار ءاربىر جانار- جاعارماي قۇيۋ ستانساسىندا بار شىعار»، - دەدى اتالمىش ۆيدەو كورگەن سوڭ ج. بوتانوۆ.
ول ارباۋدىڭ مۇنداي ءادىسىن قىزمەتكەرلەر بۇرىننان پايدالاناتىنىن جانە ول بۇگىنگى كۇنى دە وزەكتى ەكەنىن اتاپ ءوتتى. ادەتتە جانار- جاعارماي قۇيۋ ستانساسىنىڭ قىزمەتكەرلەرى جانار- جاعار مايدى الدىن الا قۇيىپ الىپ، كەمىپ قالعان سۇيىقتىقتى وسىلايشا ايلامەن تولتىرادى. ونىڭ سوزىنە قاراعاندا، جانار- جاعارماي قۇيۋ ستانسالارىنىڭ يەلەرى مۇنداي الاياقتىقپەن اينالىسپايدى. ولار تەك ساپاسىز جانار- جاعار ماي ساتىپ الۋ سياقتى ايلاعا بارۋى مۇمكىن.
ال ايتا كەتەرلىگى، بۇعان دەيىن «گەليوس» ج م ق س تالاپقا ساي ەمەس بەنزين ساتىپ كەلگەندەر قاتارىنا ىلىككەن بولاتىن.
«اۋا» قۇيىلىپ جاتقان ۆيدەوعا بويىنشا كومپانيا يميدجدى ءتۇسىرۋ ءۇشىن قاساقانا ارانداتۋشىلىق ارەكەت جاسالدى دەپ ءمالىم ەتتى.
اۆتوموبيلشىلەر قوعامدىق وداعىنىڭ ءتوراعاسى مۇنداي قۋلاردىڭ ارباۋىنا تۇسپەس ءۇشىن نە ىستەۋ كەرەك ەكەنىن ايتتى.
«ساندى سوعىپ قالماس ءۇشىن ولشەۋىشى بار كانيستراعا جانار- جاعار مايدى قۇيۋعا بولادى. كانيسترادا 10 ليتر بولىپ، سىزدەن 11 ليتردىڭ اقشاسىن السا، ونشا چەكتى ساقتاپ، بارلىعىن ۆيدەوعا ءتۇسىرىپ، پوليتسيا شاقىرتىڭىز. الاياقتىق فاكتىسى بويىنشا ارىز جازۋ كەرەك»، - دەدى جان بوتانوۆ.
«تانىمايتىن جانار- جاعار ماي قۇيۋ ستانساسىنىڭ قىزمەتىمەن پايدالانباعان ءجون. ادەتتە جانار- جاعار ماي قۇيىپ جۇرگەن ستانساعا جەتەتىندەي مولشەردە بەنزين قۇيىپ ولشەيتىن جابدىعىنا سەنىم بار ستانساعا دەيىن جەتكەن دۇرىس»، - دەپ قوستى ول.
