15:29, 16 - قازان 2016 | GMT +5
مەركەل رەسەيگە قارسى جاڭا سانكسيالار سالۋدى ۇسىنباق
استانا. قازاقپارات- ماسكەۋدىڭ سيريا جونىندەگى ۇستانىمىنا بايلانىستى گەرمانيا كانسلەرى انگەلا مەركەل رەسەيگە قارسى سانكسيالاردى كۇشەيتۋدى ۇسىنباق نيەتتە دەپ جازادى Frankfurter Allgemeine Zeitung گازەتى.
باسىلىمنىڭ حابارلاۋىنشا، سانكسيا تۋرالى ماسەلە كەلەسى اپتادا ەۋروپا كەڭەسى وتىرىسىندا تالقىلانباق.
كانسلەرگە سانكسيا ماسەلەسى بويىنشا كواليتسياداعى سەرىكتەسى گەرمانيا سوتسيال- دەموكراتيالىق پارتياسىمەن (SPD) كەلىسىمگە كەلۋ قيىنعا ءتۇسۋى ىقتيمال، ءبىراق رەسەيدىڭ ءىس- ارەكەتتەرىنە نارازىلىق گەرمانيادا عانا ەمەس، ەۋروپالىق وزگە ەلدەردە دە كۇشەيىپ بارادى دەپ جازادى باسىلىم. وعان سيرياداعى ب ۇ ۇ- نىڭ گۋمانيتارلىق جۇك كەرۋەندەرىن بومبالاۋ جانە الەپپا قالاسىنا جاسالعان اۋە شابۋىلدارى سەبەپ بولعان.
ا ق ش پرەزيدەنتى باراك وباما تەلەفون ارقىلى اڭگىمەدە مەركەلگە قولداۋ بىلدىرگەن.
رەسەيگە قارسى سالىنۋى ىقتيمال جاڭا سانكسيالار ۇشاق قۇراستىرۋ جانە اسكەري- ونەركاسىپ كەشەنى سالالارىنا اسەر ەتەتىنى ايتىلىپ وتىر.
