قازاقستاندا ءتولقۇجاتقا قوسىمشا داكتيلوسكوپيالىق پارامەترلەر ەنگىزىلەدى
اتالعان ۆەدومستۆو اقپاراتىنا قاراعاندا، زاڭ جوباسى مەملەكەت باسشىسىنىڭ تاپسىرىسى بويىنشا ازىرلەنگەن. زاڭ جوباسىن قابىلداۋ جەكە باستى كۋالاندىراتىن قۇجاتتارعا تۇلعانى سايكەستەندىرۋدىڭ زاماناۋي تەحنولوگياسىن ەنگىزۋ قاجەتتىلىگىنەن تۋىنداپ وتىر.
قوعامدىق تىڭداۋ بارىسىندا ىشكى ىستەر ءمينيسترىنىڭ ورىنباسارى راشيد جاقىپوۆ: «قازاقستاندا بيومەتريالىق پاسپورتتىق- ۆيزالىق قۇجاتتارىنا قوسىمشا داكتيلوسكوپيالىق پارامەتر ەنگىزۋ بيومەتريالىق انىقتاۋ جانە سايكەستەندىرۋ جۇيەسىن قۇرۋعا جانە ەنگىزۋگە، جالعان قۇجاتتاردى جاساۋدان، ال ولاردىڭ يەلەرىن الاياقتىق جانە وزگە قىلمىستىق ارەكەتتەردەن قورعايدى»، - دەدى.
سونداي- اق بۇل اقپاراتتىق جۇيەنى پايدالانا وتىرىپ ىسكە اسىرىلاتىن مەملەكەتتىك جانە جەكەمەنشىك قىزمەت كورسەتۋلەرىنىڭ تۇرلەرىن كەڭەيتەدى. ۆيزالىق رەجىمدى جەڭىلدەتەدى جانە كوشى- قون قاۋىپسىزدىگىنىڭ تيىمدىلىگىن ارتتىرادى.
بيومەتريالىق قۇجاتتار ICAO حالىقارالىق ستاندارتتارىنا سايكەس كەلەدى. وندا ادامنىڭ بەتى- كەلبەتى جاھاندىق بيومەتريالىق تەحنولوگيا ارقىلى تانىلادى. وعان قوسىمشا ءاربىر مەملەكەت فاكۋلتاتيۆتى تۇردە ساۋساق ىزدەرىن تانۋ تەحنولوگياسىن پايدالانا الادى.
تىڭداۋعا قاتىسۋشىلار تۇلعانى سايكەستەندىرۋ بويىنشا بيومەتريالىق تەحنولوگيالاردىڭ زاماناۋي مۇمكىندىكتەرى ءارتۇرلى مەملەكەتتەردىڭ پاسپورتتىق- ۆيزالىق تىركەۋ جۇيەلەرىنە ەنگىزىلگەنى تۋرالى ايتىپ ءوتتى.
سونىمەن قاتار سوڭعى جىلدارداعى وقيعالار ەكسترەميستىك قۇرىلىمدار مەن تەرروريستىك ۇيىمدار قىزمەتىنىڭ بەلسەندى بولۋىن، ەلىمىزدەگى بەيبىت ازاماتتارعا قارسى باعىتتا جاسالعان قىلمىستار مەن تەرروريستىك اكتىلەردىڭ كوبەيۋىن كورسەتىپ وتىر. وسىعان بايلانىستى قاراستىرىلاتىن زاڭ جوباسىن ازىرلەۋ مەن قابىلداۋ وزەكتى بولىپ وتىرعانى باسا ايتىلدى.
قوعامدىق تىڭداۋ قورىتىندىسى بويىنشا مەملەكەتتىك ورگاندارعا حالىق اراسىندا ب ا ق ارقىلى ءتۇسىندىرۋ جۇمىستارىن جۇرگىزۋ، بيومەتريالىق پاسپورتتىق- ۆيزالىق قۇجاتتارعا قوسىمشا داكتيلوسكوپيالىق پارامەترلەردى ەنگىزۋمەن بايلانىستى كەيبىر ماسەلەلەردى پىسىقتاۋ تاپسىرىلدى.
