قويشىعارا سالعارا ۇلى الەم وركەنيەتى قازاق جەرىنەن تاراعانىن دالەلدەدى
«بۇل كىتاپتىڭ وزەگى ەشبىر ادامزات بالاسى ايتپاعان، بۇگىنگى كۇنگە دەيىن ەشبىر تاريحشى قوزعاماعان تىڭ تاقىرىپ. ويتكەنى، رەسمي تاريح تۇركى حالىقتارىن 6-عاسىردا پايدا بولعان دەسە، مەن ادامزات بالاسى جاراتىلعاننان بار حالىق دەيمىن. رەسمي تاريح كوشپەلىلەردىڭ بارلىعىن جابايىلار دەسە، مەن ادامزات وركەنيەتىنىڭ وشاعىنا العاشقى وت جاققان كوشپەلىلەر دەيمىن»، - دەپ اتاپ ءوتتى اۆتور.
ونىڭ پايىمىنشا، كوشپەلىلەر بولماعان كۇندە دە بۇگىنگى ءبىزدىڭ رەسمي تاريح مويىنداپ وتىرعان ادامزاتتىڭ ەجەلگى وركەنيەتىنىڭ بارلىعى كوشپەلىلەر مەن وتىرىقشى ەلدەردىڭ، ياعني، كوشپەلى مادەنيەت پەن وتىرىقشى مادەنيەتتىڭ تۇيىسكەن جەرىنەن شىققان.
«مەسوپاتامياداعى شۋمەرلەر مادەنيەتىن، افريكاداعى گيپسوستار جاساعان مادەنيەتتى، بۇكىل ەۋروپا حالىقتارىنىڭ مادەنيەتىنىڭ نەگىزى ريم دەسەك، سول ريم مادەنيەتىنىڭ نەگىزىن قالاعان ەترۋسكيلەردى، كەشەگى پارسى- ۇندىدەگى ارييلەردى الاتىن بولساق، وسىلاردىڭ بارلىعى قازاقستان دالاسىنان كەتكەن كوشپەلىلەردىڭ جاساۋىمەن الەمگە ايگىلى وركەنيەتتەر بولىپ قالىپتاسقان. سوندىقتان بۇل كىتاپتا افريكا مەن امەريكانىڭ، ەۋروپانىڭ، ازيانىڭ، تيبەتتىڭ، قىتايدىڭ ءتىپتى، وسىدان 12 مىڭ جىل بۇرىن اتلانت مۇحيتىنىڭ استىنا كەتكەن اتلانتتاردىڭ دا، تىنىق مۇحيتىنىڭ استىندا قالعان 64 ميلليون حالقى بار مۇعىرلىقتار دا تۇركى حالىقتارى دەپ دالەلدەيمىن»، - دەدى سالعارا ۇلى.
قالامگەردىڭ اتاپ وتۋىنشە، ەڭبەك عىلىمي جانە تاريحي نەگىزدەرگە سۇيەنە وتىرىپ، ياعني، ەسكى حرامدارداعى، ەجەلگى قىش تاقتاشالارداعى سيمۆولدىق جازۋمەن بەينەلەنگەن دەرەكتەر نەگىزىندە دۇنيەگە كەلدى.
اۆتور: مارلان جيەمباي
