توقايەۆ بريتان پارلامەنتشىلەرىمەن كەزدەستى
قاۋىمدار پالاتاسىنىڭ دەپۋتاتى گيزەل ستيۋارت باسقاراتىن بۇل توپقا پارلامەنتتىڭ قوس پالاتاسىنداعى ءتۇرلى ساياسي پارتيالاردىڭ مۇشەلەرى، سونداي- اق تاۋەلسىز دەپۋتاتتار ەنەدى.
ق. توقايەۆ ەكى ەلدىڭ جان-جاقتى ءوزارا ءىس-قيمىلىن نىعايتۋعا ىقپال ەتەتىن بريتانيا پارلامەنتىندەگى دەپۋتاتتىق توپتىڭ قىزمەتىن قولدايتىنى جايىندا ايتتى.
مەيمانداردىڭ ءوتىنىشى بويىنشا ءتوراعا پرەزيدەنت نۇرسۇلتان نازاربايەۆ باستاعان ينستيتۋتتىق رەفورمالاردى ىسكە اسىرۋ بارىسى، سونداي-اق ەلىمىزدىڭ ساياسي جۇيەسىندەگى سەناتتىڭ ءرولى تۋرالى اڭگىمەلەدى. ءتوراعا رەفورمالار كاسىبي جانە دەربەس مەملەكەتتىك اپپاراتتى قالىپتاستىرۋعا، زاڭ ۇستەمدىگىن قامتاماسىز ەتۋگە، يندۋستريالاندىرۋ مەن ەكونوميكالىق وركەندەۋگە، ۇلت تۇتاستىعىن نىعايتۋعا، سونداي- اق ترانسپارەنتتى جانە ەسەپ بەرەتىن مەملەكەتتى دامىتۋعا باعىتتالعانى تۋرالى حاباردار ەتتى.
ەكىجاقتى ىنتىماقتاستىقتىڭ باسىمدىقتارى تۋرالى ايتقاندا ق. توقايەۆ قازاقستان پرەزيدەنتىنىڭ وتكەن جىلعى قاراشادا لوندونعا رەسمي ساپارى بارىسىندا قول جەتكەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.
سەنات باسشىسى ۇلى بريتانيانىڭ ەۋروپالىق وداقتان شىعۋ ۇدەرىسى تۋرالى ءوز پىكىرىن ءبىلدىردى. «ەۋرووداق ءبىز ءۇشىن - ءىرى ساۋدا- ەكونوميكالىق ارىپتەس، ال ۇلى بريتانيا قازاقستان ەكونوميكاسىنىڭ نەگىزگى ينۆەستورلارىنىڭ ءبىرى. ءبىز لوندون مەن بريۋسسەل تەزىرەك وڭتايلى شەشىمگە كەلۋىنە جانە ساۋدا- ەكونوميكالىق دامۋدىڭ مەيلىنشە قولايلى شارتتارىن دايارلاۋىنا مۇددەلىمىز»، - دەپ اتاپ ءوتتى ق. توقايەۆ.
بريتان پارلامەنتىنىڭ دەپۋتاتتارى قازاقستاننىڭ قازىرگى زامانداعى دامۋىنا، پرەزيدەنت ن. نازاربايەۆتىڭ رەفورمالار باعدارلاماسىنا جانە قازاقستاننىڭ سىرتقى ساياسي باسىمدىقتارىنا وڭ پىكىر ءبىلدىردى، سونداي- اق قازاقستان مەن بريتانيانىڭ پارلامەنتتىك ءۇنقاتىسۋىن جالعاستىرۋدىڭ ماڭىزدىلىعىن اتاپ ءوتتى.
اۆتور: سەرىك قاراجان
