كەيكى باتىردىڭ باسى مادەنيەت مينيسترلىگىندە: د ن ق ساراپتاماسى باستالدى
«باتىر بابانىڭ باسى تاڭعى 5:30-دا استاناعا جەتكىزىلدى. قازىرگى كۇنى اتاقتى تۇلعانىڭ باس سۇيەگى ق ر مادنيەت جانە سپورت مينيسترلىگىندە تۇر. ەندى د ن ق دەڭگەيىندە بيولوگيالىق ساراپتاما جۇرگىزۋ جوسپارلانىپ وتىر. بۇل جۇمىستارمەن ماجار عالىمى اندراش بيرو اينالىسادى»، - دەدى الماتىداعى مەملەكەتتىك ورتالىق مۋزەي ديرەكتورى نۇرسان ءالىمباي قازاقپارات تىلشىسىنە بەرگەن سۇحباتىندا.
ونىڭ ايتۋىنشا، بۇل شارالار حالىقارالىق نورمالار اياسىندا جۇرگىزىلەدى. ياعني باس سۇيەكتى جەرلەمەس بۇرىن د ن ق دەڭگەيىندە زەرتتەۋلەر قامتىلۋى ءتيىس.
ايتا كەتەيىك، كەيكى باتىردىڭ باس سۇيەگى بۇگىن تاڭەرتەڭ ماسكەۋدەن ارنايى بورتپەن ەلورداعا جەتكىزىلەتىنىن ەستىگەندەر استاناداعى حالىقارالىق اۋەجايعا جينالعان بولاتىن. الايدا، باس سۇيەكتى جينالعان قاۋىم سالتاناتتى تۇردە قارسى الا المادى.
بۇل جايلى ساياساتتانۋشى، قوعام قايراتكەرى بەرىك ءابدىعالي ۇلى: «ءبىزدىڭ ەستىگەن اقپاراتقا سۇيەنسەك، باتىردىڭ باس سۇيەگى ارنايى رەيسپەن كەلىپ جەتتى. وسى ورايدا ەلىمىزدىڭ تانىمال عالىمى، بەلگىلى ەتنوگراف، پروفەسسور نۇرسان ءالىمباي رەسەيدە باس سۇيەكتى قابىلداپ الىپ، ەلگە جەتكىزدى دەپ ەستىدىك. ەندى عالىمدار ارنايى ساراپتاما وتكىزەتىن بولار. باتىر بابانىڭ باس سۇيەگىن سالتاناتتى تۇردە قارسى الۋ كەرەك ەدى، ويتكەنى استانا اۋەجايىنا ەل ازاماتتارى، باتىردىڭ ۇرپاقتارى مەن تۋىستارى كەلدى. بۇل تۇرعىدا كۇندىز ۇكىمەت رەسمي تۇردە ءوز مالىمدەمەسىن جاسايدى دەگەن ويدامىن»، - دەپ پىكىر بىلدىرگەن بولاتىن.
رەسەي تاراپىمەن باس سۇيەكتى قازاقستانعا قايتارۋعا كوپ جىلدان بەرى كەلىسسوزدەر جۇرگىزىلدى. وسى رەتتە، بيىلعى 12 - تامىزدا ق ر ۇكىمەتىنىڭ باسشىسى كارىم ءماسىموۆتىڭ ءوتىنىشى بويىنشا ر ف پرەمەر- ءمينيسترى دميتري مەدۆەديەۆ كەيكى باتىردىڭ باس سۇيەگىن استاناعا قايتارىپ بەرۋ جاعىن قاراستىرۋعا ۋادە بەرگەن بولاتىن.
سونىمەن قاتار، قازاقستاندىق تاراپ اتالعان كەزدەسۋدە تاعى ءبىر ۇلت ازاتتىق كوتەرىلىس جەتەكشىسى - كەنەسارى حاننىڭ باس سۇيەگىن وتانىنا قايتارۋ ماسەلەسىن كوتەردى. رەسەي پرەمەرى بۇل سۇراقتى رەتتەۋگە اتسالىساتىنىن ايتقان ەدى.
اۆتور: رۋسلان عابباسوۆ
