قازاقپارات پەن كاتار مەملەكەتتىك اقپارات اگەنتتىگى بىرلەسىپ، قىزمەت ەتۋدە

ابۋ- دابي- دوحا. قازاقپارات - بۇگىن كاتارداعى ق ر توتەنشە جانە وكىلەتتى ەلشىسى اسقار شوقىبايەۆ كاتار جاڭالىقتار اگەنتىگىنىڭ (QNA) باس ديرەكتورى احماد سااد ال- بوەينينمەن كەزدەسۋ وتكىزدى،

 دەپ حابارلايدى مەنشىكتى ءتىلشىمىز.

 سۇحبات بارىسىندا تاراپتار «Kazinform»  حالىقارالىق اقپارات اگەنتتىگى مەن QNA اگەنتتىگى اراسىنداعى ءوزارا تۇسىنىستىك تۋرالى مەموراندۋمدى جۇزەگە اسىرۋ جولدارىن تالقىلادى.

اتاپ ايتقاندا، احماد سااد ال- بوەينين كاتار ءۇشىن قازاقستاننىڭ ماڭىزدى ەل ەكەنىن اتاپ ءوتتى جانە استانا مەن الماتىعا جۇمىس ساپارىمەن بارىپ، قازاقستاندىق ارىپتەستەرمەن ىنتىماقتاستىقتى دامىتۋ ماسەلەلەرىن تالقىلاۋ تۋرالى تىلەگىن ءبىلدىردى.

سونىمەن بىرگە، كاتار تاراپى قازاقستان تاۋەلسىزدىگىنىڭ 25 جىلدىعىن اتاپ ءوتۋ شارالارىن ۇيىمداستىرۋ مەن ولاردى كاتار ب ا ق- تارىندا جاريالاۋعا جانە ق ر ەلشىلىگىنە كومەكتەسۋگە دايىن ەكەندىگىن جەتكىزدى.