بويجەتكەن: توقال الامىن دەپ ەمەس، توقال الدىم دەپ ايقايلايىقشى
«توقال الامىن» دەپ تاڭدايدى كەپتىرە بەرگەنشە، «توقال الدىم» دەپ بۇكىل الەمگە جار سالسا قۇپتايسىز عوي. ال الماي جاتىپ، اۋىزدى قۇرعاق شوپپەن سۇرتكەنمەن نە پايدا؟
توقال السا، قوعامداعى بۇكىل تاۋقىمەت پەن ماسەلە شەشىمىن تابارداي؟! ادامنىڭ وي- ءورىسى كەڭەيە باستاعان سايىن قوعام «توقالدانىپ بارا ما؟ دەرسىز»، دەپ جازادى Facebook پاراقشاسىندا قارلىعاش نۇرباي ەسىمدى بويجەتكەن.
«قازاقتىڭ سانى دەپ جاندارىڭىز اشىسا، نەگە اتا-انا مەيىرىمىن اڭساعان، اتا-انانىڭ جانجىلۋىن كۇتكەن بالالار ۇيىندەگى بالالاردى باۋىرعا باسپاسقا؟ اناسى تاسباۋىر دەلىك. ال اكەسى قازاقستاننىڭ 17 ميلليون ىشىندە جۇرگەن ەركەكتىڭ ءبىرى شىعار؟ نەگە باسقا ۇلتقا ۇيلەنىپ جاتقان جىگىتتەرگە دە توسقاۋىل قويماسقا؟ وزگە ۇلتقا ۇيلەندى دەگەن ءسوز، ءبىر قازاق قىزى كارى قىزدار قاتارىنا قوسىلدى دەگەن ءسوز.
قازاقتار نەگە كوبەيمەيمىز دەپ دابىل قاققانشا، شەتەلگە ساتىلىپ جاتقان بالالار دا قازاقتىڭ سانىن ازايۋىنا اكەلە جاتىر دەپ نەگە شارا قولدانبايمىز؟ تاستاندى بالالاردىڭ كوبەيۋىنە اتسالىسقانشا، ودان قۇتىلۋدىڭ جولىن نەگە ىزدەمەسكە؟ قازاق قىزى «اقىماق»، «تاربيەسىز» ەكەن. ال جىگىت اقىلى «ايدان اسادى» ەكەن، وندا نەگە جەتىمنىڭ سانىن كوبەيتىپ، ەسى كەتىپ ءجۇر؟ قازاقتىڭ سانى توقال الۋمەن شەشىلىپ قويادى دەسەڭىزدەر قاتەلەسەسىزدەر! توقال الىپ، ءبىر- ەكى بالادان ارتىق تۋعىزا الماعاندار دا بار. بىرەۋلەر ۇقساپ، ناتيجەسىز «اتتانداي» بەرمەي ارەكەت جاساپ، «توقال الامىن» دەپ ەمەس، «توقال الدىم» دەپ ايقايلايىقشى!
قازاقتىڭ سانى ارتا بەرسىن! اكەلەرىمىزدى قۇرمەتتەيىك، انالارىمىزدى ارداقتايىق، قىزدارىمىزعا قورعان بولايىق، قورعان بولار جىگىتتى قادىرلەيىك!»، - دەپ جازادى ول.
