الەمنىڭ جەتى كەرەمەتىن كەرەمەت قىلعان جاراتىلىس
ارينە بۇل ءسىزدىڭ جاۋابىڭىزدىڭ ءجۇز پايىز دۇرىس ەكەنىن كورسەتەدى. دەگەنمەن ءسىز بەن ءبىز بىلمەيتىن، ءتىپتى ءبىز تىزبەكتەپ بەرىپ جۇرگەن جەتى كەرەمەتتەن دە كەرەمەت جەتىلىك بار.
1. كورۋ
تۋا بىتكەن قوس جانارىڭىز - ءسىزدىڭ ەڭ ءبىرىنشى كەرەمەتىڭىز. اينالاسىن كورىپ، باعىت- باعدار جاساي الۋ بارلىق ادامعا بۇيىرا بەرمەيدى. ءسىز بىلەتىن الەمنىڭ جەتى كەرەمەتىن سۋرەتتەن دە كورمەگەنىڭىزدە، ءتىپتى ول جەتىلىك تۋرالى تامسانا دا الماس ەدىڭىز. سوندىقتان كورۋ مۇشەڭىز بولماعاندا ءسىز اتالعان كەرەمەتتەردى كورمەس تە ەدىڭىز.. .
2. ەستۋ
جەتى كەرەمەتتىڭ ءبىرى - ەستۋ. ءسىز كورۋدەن بۇرىن ەستيسىز. ەستۋ ارقىلى سول اقپارات جايىندا قىزىعاسىز. قىزىققان دۇنيەڭىزدى كورۋ ءۇشىن جەردىڭ شەتىنە دە بارۋعا دايىنسىز. ەستۋ ارقىلى كەڭەس الاسىز، كوڭىلىڭىزدى اۋلايتىن اۋەندەر تىڭدايسىز. ال بۇل ءسىزدىڭ شاتتىقا تولى ءومىرىڭىزدىڭ ءبىر بولشەگى.
3. تۇيسىك
ادام كورگەنى مەن ەستىگەنىن تۇيسىك ارقىلى تۇيسىنەدى، تۇسىنەدى. تۇيسىك ارقىلى ءوزىنىڭ قاجەتتىلىگىن جاسايدى. الەمنىڭ جەتى كەرەمەتىن كورسەڭىز دە، ەستىسەڭىز دە ولار جايىندا ساناڭىزدا از دا بولسىن تۇيسىك بولماسا ونى ءسىز «كەرەمەت» دەپ ايتا الار ما ەدىڭىز.. .
4. ءدام
تىرشىلىك كوزى رەتىندە الدىڭىزعا كەلگەن استىڭ ءدامىن تاتا الماساڭىز ءسىزدىڭ قۇلتەمىردەن (روبوت) ايىرماڭىز جوق. الەمنىڭ جانە ادامنىڭ جەتى كەرەمەتىنىڭ ءبىرى - وسى ءدام. ءدام ارقىلى اعزاڭىزدى قاناعاتتاندىرىپ قانا قويماي، كوڭىلىزدى دە ءبىر قالىپتا ۇستاي الاسىز.
5. سەزىنۋ
ەڭ ۇلى ءارى ەڭ كەرەمەت دۇنيە - سەزىنۋ. كەز كەلگەن دۇنيە، قورشاعان ورتا ادامعا قاي جاعىنان بولماسىن اسەر ەتەدى. ال وسى اسەردى ىشتەي قابىلداۋ، وعان جاۋاپ بەرۋ سەزىمنىڭ قاسيەتى. سەزىنۋ ارقىلى جاقسى كورەمىز، جيرەنەمىز، قۋانامىز، جىلايمىز.
6. كۇلۋ
ءومىرىڭىزدىڭ ۇزاقتىعىنا كەپىل بولا الاتىن التىنشى كەرەمەت - كۇلۋ. كۇلۋ باقىتتى بولۋعا جەتەلەيدى. كۇندەلىكتى كۇلكى ادامنىڭ وزىنە عانا ەمەس اينالاسىنا دا اسەر ەتەدى. ءسىزدىڭ مەيىرىمدى ءارى كۇلكىگە تولى جۇزىڭىزگە قاراپ قانشاما ادام ۇلگى الادى. ال بۇل، سىزدىڭشە، كەرەمەت ەمەس پە؟ !
7. ءسۇيۋ
الەمدى قۇتقاراتىن - ماحاببات. ال ءسۇيۋ دە وسى ماحاببات. ادام ءسۇيۋ ارقىلى وزگەگە باقىت سىيلايدى. بىرەۋگە باقىت سيلاۋ كەرەمەتتىڭ ەڭ ۇلىسى.
الەمدە كەرەمەت دەپ اتاۋعا بولاتىن ادام قولىمەن جاسالعان كوپتەگەن ەسكەرتكىشتەر مەن نىساندار بار. ءبىراق ولار ءبىز ايتىپ وتىرعان جەتىلىكسىز كەرەمەت بولا الماس ەدى.
massaget.kz
