ۇلتتىق برەند بايقاۋىنا ءوتىنىم قابىلداۋ مەرزىمى ۇزارتىلدى - فوتو
ق ر اقپارات جانە كوممۋنيكاتسيالار ءمينيسترى داۋرەن ابايەۆ فەيسبۋكتەگى پاراقشاسىندا اتالمىش بايقاۋعا ءوتىنىش بەرۋ مەرزىمى ۇزارتىلعانىن حابارلاي وتىرىپ وعان كەلىپ تۇسكەن جۇمىستىڭ بىرنەشەۋىن جاريا ەتتى.
«قۇرمەتتى دوستار!
قازاقستان رەسپۋبليكاسىنىڭ ۇلتتىق برەندىن انىقتاۋ جونىندەگى بايقاۋدىڭ ۇيىمداستىرۋ كوميتەتى وتىنىمدەر قابىلداۋدى 2017 -جىلدىڭ 15 - قازانىنا دەيىن ۇزارتۋ جونىندە شەشىم قابىلدادى.
بايقاۋعا قازىرگى كۇنگە دەيىن 260 جۇمىس كەلىپ ءتۇستى. بۇل جۇمىستارعا قاراپ، ەل داڭقىن اسقاقتاتۋعا دەگەن قۇشتارلىقتى كورۋگە بولادى.
دەگەنمەن، سوڭعى اپتادا مينيسترلىكتىڭ اتىنا بايقاۋ مەرزىمىن ۇزارتۋ جونىندە كوپتەگەن ءوتىنىش ءتۇستى. ولاردىڭ كوپشىلىگى بايقاۋ تۋرالى دەر كەزىندە ەستىپ ۇلگەرمەگەنىن العا تارتۋدا. وسى ورايدا ءبىز كوپشىلىكتىڭ ۇسىنىس- تىلەگىن ەسكەرگەندى ءجون كورىپ وتىرمىز.
ءسوزىمنىڭ سوڭىندا ءالى ىرىكتەلىپ الىنباعان، كەزدەيسوق تاڭدالعان بىرنەشە جۇمىستى نازارلارىڭىزعا ۇسىنامىن»، دەدى مينيستر.
