ميانما بيلىگى مەشىت پەن مەدرەسەلەردى ءسۇرىپ تاستاۋعا بۇيرىق شىعارىپ وتىر

استانا. قازاپارات - ميانما مەملەكەتىنىڭ راكحاين شتاتىنىڭ بيلىگى ونداعان مەشىت پەن مەدرەسەنى ءسۇرىپ تاستاۋعا بۇيرىق شىعارىپ وتىر.

شتاتتىڭ قاۋىپسىزدىك ءمينيسترى، پولكوۆنيك حتەين لينن حابارلاعانداي، مونگدو قالاسىنداعى 9 مەشىت پەن 24 مەدرەسە، بۋتحيدونگ قالاسىنداعى 3 مەشىت پەن 11 مەدرەسە ءسۇرىلىپ تاستالماق. شتات بيىلىگى وزدەرىنىڭ بۇل شەشىمىن قۇلشىلىق وردالارىنىڭ قۇجاتتارى دۇرىس بولماۋى سەبەپتى دەپ ءتۇسىندىرىپ وتىر.

ايتا كەتەيىك، ميانماداعى ەڭ كەدەي شتات سانالاتىن راكحاينداعى روحينيالىق مۇسىلماندار سانى  125000 نىڭ ۇستىندە. ولاردىڭ كوبىسىنىڭ ازاماتتىعى جوق.

ايماقتا جاڭا مەشىتتەر مەن ءدىني مەكتەپتەر سالۋعا سوناۋ 1962-جىلدان بەرى تىيىم سالىنعان بولاتىن.

Muslim.kz