دۋگلاس پاال: قىتاي ءوز ايماعىندا وتە ماڭىزدى ەل، ءبىراق ءالى سۋپەردەرجاۆا ەمەس
«ەگەمەن قازاقستان» باسىلىمى وسى سۇحباتتان نەگىزگى سيتاتالاردى جاريالاپ وتىر.
قىتاي باياعىدا «بەلەسەبەت مىنگەن ادامدار» ەلى بولعان. قازىر ول - ايماقتاعى اسا ماڭىزدى ويىنشى. ءبىراق قىتايدى جاڭا كوتەرىلىپ كەلە جاتقان سۋپەردەرجاۆا دەپ تە اتاي المايمىن. ۆاشينگتونمەن تەڭەسۋ ءۇشىن بەيجىڭ ءالى 30 جىل اسا ۋاقىت جىلدام قارقىنمەن دامۋى كەرەك. ا ق ش تا ءبىر ورىندا تۇرمايتىنىن ەسكەرۋ كەرەك.
قىتايدى ءتىپتى جاپونيامەن سالىستىرۋ ەرتە. جاپونيانىڭ ەكونوميكاسى مەن اسكەري سالاعا جۇمسايتىن شىعىندارى تومەندەسە، ال قىتايدىكى جىلدام ءوسىپ وتىرسا، ەكى ەلدىڭ اسكەري تەڭىز كۇشتەرىنىڭ قۋاتى 2030 - جىلى عانا تەڭەسەدى. ۇزدىك تەڭىزشىلەر، ۇزدىك اسكەري ۇشقىشتار، ۇزدىك ۇشقىشتار - مۇنىڭ ەشقايسىسى ءالى قىتايدا جوق.
بۇرىن مەن ا ق ش پەن قىتاي اراسىندا «جاناما سوعىس» بولۋى مۇمكىن ەمەس دەپ ويلايتىنمىن (جاناما سوعىس- ەكى ەلدىڭ ءوز ماقساتتارىنا جەتۋ ءۇشىن ءۇشىنشى ءبىر ەلدىڭ تەرريتورياسىندا جانە سول ەلدىڭ رەسۋرستارى كومەگىمەن قاقتىعىسۋى). ال قازىر مۇنداي قاقتىعىس مۇمكىن نارسەگە اينالدى.
ول ۆەتنام مەن قىتايدىڭ نەمەسە جاپونيانىڭ قىتايمەن سوعىسى بولۋى مۇمكىن. ءبىز قالامايمىز، ءبىراق ونداي قاقتىعىستىڭ العىشارتتارى بار: بەيجىڭ ءوزىنىڭ مۇددەلەرىن اگرەسسيۆتى جولمەن قورعاپ كەلەدى. جانە ءبىزدىڭ وداقتاستارىمىزبەن قاقتىعىسقا تۇسۋدە. ءبىز ولاردى ولاردى قورعاۋعا مىندەتتىمىز.
مەنىڭشە، قىتاي رەسەيمەن قازىرگىدەن دە تەرەڭ قاتىناسقا بارعىسى كەلەدى. ءبىراق رەسەيدىڭ قىتايمەن وداقتاسۋعا نامىسى جىبەرە قويمايدى. ويتكەنى، بەيجىڭ ول وداقتا «اعا» بولعىسى كەلەدى. ماسكەۋ بۇعان كونە قويمايدى.
وباما بەيجىڭگە قاتىستى «قاتاڭ پوزيتسيا ۇستاعىلارىڭ كەلە مە؟ ءبىزدىڭ پوزيتسيا ودان دا قاتاڭ بولادى!» دەگەن پرينتسيپكە كوشكەن سياقتى. مەنىڭشە بەيجىڭمەن ديالوگتا مۇنداي كوزقاراس جارامايدى.
