دۋبايدا ءۇش قازاقستاندىق وتانداسىنان اقشا بوپسالاعان
ولار وتانداسى تالاپ ەتكەن قاراجاتتى تولەمەگەن جاعدايدا ونىڭ «بالالارىن ولتىرەمىز» دەپ قورقىتقان، دەپ حابارلادى 7days.ae.
29, 51 جانە 52 جاستاعى ەر ادامدار 40 جاستاعى قازاقستاندىق كاسىپكەردى قورقىتىپ، اي سايىن اقشا تولەۋىن تالاپ ەتتى.
قازاقستاندىق بيزنەسمەننىڭ ايتۋىنشا، 2016-جىلدىڭ ناۋرىزىندا بۇل ەر ادامدار ونىڭ پالما دجۋمەيراداعى ۇيىنە زاڭسىز كىرىپ العان. ول كەزدە كاسىپكەر ۇيىندە بولماعان ەكەن.
كەيىن، 29- ناۋرىزدا بيزنەسمەن ترەناجەر زالىندا جاتتىعىپ جاتقاندا ەكى ەر ادام كەلىپ، ولاردىڭ باستىقتارىمەن كەزدەسۋدى سۇراعان.
دۋباي پوليتسياسىن ەسكەرتكەن بيزنەسمەن ولارمەن بىرگە ءدامحانالاردىڭ بىرىنە بارعان. كۇدىكتىلەر سول جەردە ۇستالدى. كاسىپكەردىڭ سوزىنە قاراعاندا، باندا اقشا تولەۋدەن باس تارتقان جاعدايدا ونىڭ بالالارىن ۇرلايمىز، قازاقستاندا تۇراتىن اناسىن ولتىرەمىز دەپ قورقىتقان.
