قىتاي قۇراماسىنان ۇتىلعان قازاقستان سپورتشىلارى ازيا كۋبوگىنىڭ كۇمىس جۇلدەسىن ەنشىلەدى

استانا. قازاقپارات - قازاقستاننىڭ ۆولەيبولدان ايەلدەر قۇراماسى ۆەتنامدا ازيا كۋبوگىنىڭ كۇمىس جۇلدەسىن ەنشىلەدى.

فينالدىق ويىندا جەرلەستەرىمىز قىتاي قۇراماسىنا ەسە جىبەردى - 19:25، 19:25، 13:25.

بۇل تۋرالى sports.kz حابارلادى.

قولا جۇلدەنى ءۇشىنشى ورىن ءۇشىن تالاستا جاپون قۇراماسىن ءۇش پارتيادا دا جەڭگەن تايلاند ۆولەيبولشىلارى يەلەندى.

ۆولەيبولدان ايەلدەر اراسىندا ازيا كۋبوگى 2008-جىلدان بەرى ءار ەكى جىل سايىن وتكىزىلىپ كەلەدى. قىتاي قۇراماسى بۇل تۋرنيردە وسىمەن ءتورتىنشى مارتە جەڭىسكە جەتىپ وتىر. قازاقستان قۇراماسى بولسا، 2012 جانە 2014-جىلدارى قولا جۇلدە ەنشىلەگەن. ەڭ ۇزدىك ناتيجەسى بيىل تىركەلىپ وتىر.

كوماندالاردىڭ قورىتىندى ناتيجەسى:

1. قىتاي

2. قازاقستان

3. تايلاند

4. جاپونيا

5. قىتايلىق تايپەي

6. يران

7. ۆەتنام

8. وڭتۇستىك كورەيا.