16:29, 20 - قىركۇيەك 2016 | GMT +5
دارىگەرلەر برۋككە گولوۆكينمەن جۇدىرىقتاسۋى كەزىندە سوقىر بوپ قالۋى مۇمكىن ەكەنىن ايتقان
استانا. قازاقپارات - دارىگەرلەر بريتاندىق بوكسشى كەلل برۋكتىڭ قازاقستاندىق گەننادي گولوۆكينمەن جەكپە-جەگىن جالعاستىرعان جاعدايدا دەنساۋلىعىنا ەلەۋلى زاقىم كەلۋى مۇمكىن ەدى دەپ ەسەپتەيدى.
بۇل تۋرالى Sports.kz حابارلادى.
«كەلل - ناعىز بوكسشى، ءبىراق ونىڭ باپكەرى ويىندى توقتاتىپ، دۇرىس شەشىم قابىلدادى. ايتپەسە، ول قارسىلاسىنان ءۇستى-ۇستىنە سوققى الىپ، ءبىر كوزىنەن ايىرىلار ەدى»، - دەگەن پىكىر ءبىلدىردى دارىگەرلەر.
جەكپە-جەكتەن كەيىن كەلل برۋك دەرەۋ ەمحاناعا اتتاندى. وندا بوكسشىنىڭ كوزىنە زاقىم كەلگەندىگى انىقتالدى جانە وعان وتا جاساۋ قاجەتتىگى بەلگىلى بولدى. وتا جۇما كۇنىنە جوسپارلانعان. برۋكتىڭ كوزى ودان كەيىن تولىق قالپىنا كەلۋى ءۇشىن قانشا ۋاقىت قاجەت بولاتىندىعى ءالى حابارلانعان جوق.
