جىننىڭ ادامعا عاشىق بولۋى جانە ونىمەن توسەكتەس بولۋى مۇمكىن بە؟
اسسالامۋ الەيكۋم ۋا راحماتۋللاحي ۋا باراكاتۋح! ءبىزدىڭ مەشىتىمىزدە نامازحان جاماعاتىمىزدىڭ ايەلىنە جىن عاشىق بولىپ قاپتى، باۋىرىمىزدىڭ ايتۋىنشا جىن مەكتەپتەن 3-سىنىپتان بەرى بىرگە جۇرگەن ەكەن.
ول ونى ايەلى ارقىلى سويلەسىپ ءبىلىپتى. ەندى ساۋال ول جىن ايەلىمەن توسەكتىك قاتىناسقا تۇسە مە؟ سەبەبى ايەلىنىڭ وعان جاقىنداسپاي قاشىپ جۇرگەنىنە 3 اي بولىپ قاپتى. 3 ايدان بەرى باۋىرىمىز جۇمىسىنا بارماي، قىزعانىپ ءجۇر ەكەن. باۋىرىمىزدىڭ ايتۋىنشا ايەلىنىڭ جىنى ونى توسەك قاتىناسىنان ءبولىپ جۇرگەن سياقتى. (قايىرجان شىڭعىس ).
ۋاعالەيكۋماسسالام ۋا راحماتۋللا باۋىرىم!
ساۋالىڭىزعا تولىق جاۋاپتى ۇسىنباستان الدىن جالپى ادام بالاسىنا جىننىڭ عاشىق بولۋىنا سەبەپ بولاتىن جاعدايلاردى ايتىپ وتسەك. بىرىنشىدەن، جىنداردى ارنايى وقىتۋ ارقىلى، ياعني سيقىر ارقىلى جىبەرىپ، ەكى جاستىڭ اراسىن اجىراتىپ، وتباسىن قۇلاتۋ ءۇشىن جاسايتىن قارا نيەتتى ادامدار بار. بۇل جاعدايدا دا جىن ادامدى (ەردى نەمەسە ايەلدى) ءوزىنىڭ جۇبايىنان الشاقتاتىپ، كوز الدىنا كورىكسىز ەتىپ كورسەتىپ، جيىركەندىرىپ، جاقىنداتپاۋعا تىرىسادى.
ەكىنشىدەن، ادام كيىنىپ- شەشىنگەن ساتتە نەمەسە جۋىنۋ ورنىندا (مونشا، ۆاننا، دۋش) لىپاسىز جالاڭاش قالعان ساتىندە سول ماڭداعى ەركەك نەمەسە ۇرعاشى جىن ادامنىڭ تانىنە نازارى ءتۇسىپ، عاشىق بولۋى مۇمكىن. ەگەر وسى جاعداي ناقتى ورىن العان بولسا بۇل ساتتە دە ادامدى ونىڭ جۇبايىنان الىستاتۋ ءۇشىن بارلىق ايلا- تاسىلدەرىن « ءۋاسۋاس» (ساناسىنا سىبىرلاۋ) ارقىلى جاساپ وتىرادى. سونداي- اق، كۇيەۋى مەن ايەلى ءبىر- بىرلەرىنە نازار سالعان كەزدەرىندە ورتالارىنا تۇرىپ، ۇسقىنسىز بەينەلەردى ەلەستەتىپ، ءبىر- بىرىنەن جيىركەندىرەدى.
قۇرمەتتى، ساۋال جولداۋشى باۋىرىم! جوعارىدا اتالعان سەبەپتەردى بولدىرماۋ ءۇشىن ارداقتى اللا ەلشىسىنىڭ (اللانىڭ وعان يگىلىگى مەن سالەمى بولسىن) ءبىرشاما حاديستەرىن كەلتىرىپ وتەيىك.
اجەتحاناعا كىرەر الدىن كەلەسى دۇعانى ايتۋ. «ءبيسميللاھي. اللاھىم، ەركەك جانە ۇرعاشى شايتانداردان ساقتاي گور» ./«ساحيح بۇحاري» 1/41/ تاعى ءبىر حاديستە: «جىن كوزدەرى مەن ادام بالالارىنىڭ اۋرەتتەرى اراسىن پەردەلەيتىن نارسە - اركىمنىڭ اجەتحاناعا كىرەردە ءبيسميللا ايتۋى» ، - دەپ ايتىلعان./«سۋنان ات- تيرميزي» : 2/503/
ادامداردىڭ كوزىنەن جاسىرىنۋ جانە كيىمدى جامباس جەرگە تاياعانشا شەشپەۋ. مۋعيرا يبن شۋعبا: «اللانىڭ ەلشىسى (اللانىڭ وعان يگىلىگى مەن سالەمى بولسىن) ءارى ءجۇرىپ، مەنىڭ كوزىمنەن جاسىرىنىپ بارىپ اجەتىن وتەگەن» ، - دەپ ايتقان./«ساحيح بۇحاري» : 1/81/
سونداي- اق، كيىنىپ- شەشىنەر كەزدە دە «ءبيسميللاھي» ءسوزىن ۇمىتپاي ايتۋ مىندەت. سەبەبى، سول ساتتە جان- جاعىنداعى جىن- شايتانداردىڭ نازارلارىنا پەردە تاستالىپ، ءوزىنىڭ اۋرەتىن كورىپ قالماۋلارى ءۇشىن.
ساۋالىڭىزدىڭ ىشىندە جىن مەن ادامنىڭ اراسىندا توسەكتىك قاتىناس بولا ما؟ - دەپ سۇراعان ەكەنسىز. وعان ءبىرشاما عالىمدار ادامنىڭ ۇيقىداعى ساتىندە، ءتۇسى ارقىلى قاتىناس بولۋى ىقتيمال دەگەن پىكىردى العا تارتادى.
سونىڭ ىشىندە كىسى ايەلىمەن جاقىنداسقان كەزدە سۇننەتتە كەلگەن ارنايى دۇعالاردى ايتپاعان بولسا، ولاردىڭ قارىم- قاتىناسىنا جىندار دا ورتاق بولۋى مۇمكىن. مۇنىڭ الدىن- الۋ ءۇشىن پايعامبارىمىزدىڭ (وعان اللانىڭ يگىلىگى مەن سالەمى بولسىن) تومەندەگى ءحاديسىن كەلتىرسەك بولادى.
يبن ابباستان (اللا اكەسى ەكەۋىنە رازى بولسىن) . ول: «پايعامبار (اللانىڭ وعان يگىلىگى مەن سالەمى بولسىن) :
«(مۇسىلمانداردىڭ) ءبىرى ايەلىمەن جاقىنداساردا: «ءبيسميللاھ، اللاھۋمما، ءجاننيبنيش- شايتانا ءۋا ءجاننيبنيش- شايتانا ءما رازاقتانا (اللانىڭ اتىمەن، ۋا، اللا! مەنەن شايتاندى الىستات جانە ءوزىڭ بىزگە ءناسىپ ەتكەننەن شايتاندى الىستات) » دەپ ايتىپ، سونىڭ ناتيجەسىندە ەكەۋىنە پەرزەنت ءناسىپ بولسا، ول (بالاعا) شايتان ەشۋاقىتتا زيان تيگىزە المايدى» ، - دەدى» ، - دەگەن./«ساحيح ءال- بۋحاري» كىتابى، «نەكە كىتابى» ءبولىمى، 1768 (5165) /
قورىتىندىلاي كەلە، جىن اسەر ەتىپ جۇرگەن ايەل دە، ونىڭ ەرى دە دەرەۋ اللادان پانا تىلەپ، ۇزدىكسىز دۇعا مەن يستيعفاردى كوبەيتۋلەرى كەرەك. سونىمەن قاتار، جىن شىعارۋعا قابىلەتتى عالىم، يمام- حافيزدەرگە جولىعىپ، ماسەلەنىڭ شەشىلۋىنە سەبەپكەر بولۋلارىن سۇراۋلارى قاجەت.
بولماسا جىن- شايتانداردىڭ ەڭ باستى تالپىنىستارىنىڭ ءبىرى مۇسىلمان ەكى ادامنىڭ ورتاسىنا وت سالىپ، اجىراتىپ قۇردىمعا جىبەرۋ.
اللا تاعالا بارشالارىڭىزدى پاناسىنا الىپ، راقىمىنا بولەسىن!
al-azim.kz سايتىنىڭ سۇراق- جاۋاپ ءبولىمى
